ရဲယိုသီးသည် မြန်မာ့ရိုးရာဆေးဖက်ဝင်အပင်တစ်မျိုးဖြစ်ပြီး ခန္ဓာကိုယ်ကို အားဖြည့်ပေး၍ ရောဂါအမျိုးမျိုးကိုသက်သာကြောင်း၊ ဝေဒနာမျိုးစုံကိုသက်သာစေရန် ရဲယိုသီးလတ်လတ်ဆတ် ဆတ်ကိုအစေ့ထုတ်ပြီး ပြုတ်၍ထန်းလျက်ဖြင့်ယိုထိုးခြင်း၊ အသီးကိုသုပ်စားခြင်း၊ အသီးမှည့်ကို ဆားနှင့်တို့စားခြင်း၊ ပျားရည်ဆမ်းပြီးစားခြင်း၊ ဖျော်ရည်လုပ်သောက်ခြင်းများစသည်တို့ပြုလုပ်၍ အသုံးပြုကြကြောင်း၊ ရဲယိုသီး၏ ကျန်းမာရေးအကျိုးကျေးဇူးအနေဖြင့် သွေးအားကောင်းစေပြီး သွေးလည်ပတ်မှုကို ကောင်းမွန်စေခြင်းကြောင့် လက်ဖျား၊ ခြေဖျားအေးခြင်းကို သက်သာစေကြောင်း၊ ကိုယ်ခန္ဓာကိုယ် အတွက် ခုခံအားကိုမြှင့်တင်ပေး၍ ရောင်ရမ်းမှုကို လျော့ချပေးကြောင်း၊ Antioxidant မြင့်မားစွာ ပါဝင်သောကြောင့် ရောဂါပိုးများကို တိုက်ထုတ်ပေးပြီး ကိုယ်ခန္ဓာအတွင်း ရောင်ရမ်းမှုကို ထိရောက်စွာလျော့နည်းစေ၍ ဝမ်းချုပ်ခြင်းများကိုသက်သာစေကြောင်း၊ Proxeronine ဓာတ်ပါဝင် သဖြင့် သွေးဖိအားကိုမျှတအောင် ထိန်းညှိပေးသဖြင့် သွေးတိုးရောဂါကို သက်သာကြောင်း၊ ဗီတာမင်စီကြွယ်ဝစွာပါဝင်သောကြောင့် အသားအရေ ကိုကြည်လင်စေပြီး အိုမင်းရင့်ရော်မှုကို နှေးကွေးစေကြောင်း၊ အဆစ်အမြစ်နာကျင်ခြင်း၊ ကြွက်သားနာကျင်ခြင်းများကို လျော့ချပေး ကြောင်း၊ အာရုံကြောကိုပြေလျော့စေသည့် အာနိသင်ရှိ သောကြောင့် စိတ်ဖိစီးမှုကို သက်သာစေပြီး ကောင်းစွာအိပ်စက်ခြင်းကို အထောက်အကူပြုကြောင်း၊ သတိပြုရန်အချက်မှာ ရဲယိုသီးတွင် ပိုတက်စီယမ်ဓာတ်မြင့်မားစွာ ပါဝင်သောကြောင့် ကျောက်ကပ်ရောဂါရှိသူများ၊ သွေးထဲတွင် ပိုတက်စီယမ် မြင့်မားနေသူများအနေဖြင့် ရှောင်ရှားသတိပြုရန် စားသုံးသင့်ကြောင်းစာပေ များမှဖတ်ရှု့သိရှိရသည်။
DOCA (မန္တလေး)