တောင်ကိုရီးယားနိုင်ငံ၏ ပြည်ပမှတင်သွင်းသည့် ကားများသည် အောက်တိုဘာလတွင် ဂျပန်ဇိမ်ခံကားနှင့် အမေရိကန်လျှပ်စစ်ကားများ ဝယ်လိုအားမြင့်တက်မှုကြောင့် ဂဏန်းနှစ်လုံး တိုးတက်ခဲ့ကြောင်း နိုဝင်ဘာလ ၅ ရက်နေ့တွင် ထုတ်ပြန်သော စက်မှုလုပ်ငန်းဆိုင်ရာ အချက်အလက်များအရ သိရှိရပါသည်။
တောင်ကိုရီးယား တင်သွင်းသူများနှင့် ဖြန့်ဖြူးသူများအသင်း (KAIDA) ၏ အဆိုအရ တင်သွင်းသည့် ကားများမှ အောက်တိုဘာလတွင် ရောင်းချခဲ့သော ကားအရေအတွက်မှာ ယခင်နှစ် ကထက် ၁၃.၂ ရာခိုင်နှုန်း တိုးတက်လာပြီး ၂၄၀၆၄ စီး အထိရောက်ရှိခဲ့ကြောင်း သိရပါသည်။
၂၀၂၅ ခုနှစ်၏ ပထမ ၁၀ လ အတွင်း နိုင်ငံခြားကားအစီးရေ ၂၄၉၄၁၂ စီး ရောင်းချခဲ့ရပြီး ယခင်နှစ်အလာတူကာလနှင့် နှိုင်းယှဉ်ပါက ၁၅ ရာခိုင်နှုန်း တိုးတက်လာခြင်း ဖြစ်ပါသည်။
အောင်တိုဘာလတွင် နိုင်ငံခြားကားထုတ်လုပ်ရေး ကုမ္ပဏီများထဲမှ ဂျာမန်ကားထုတ်လုပ်ရေး BMW က ကားအစီးရေ ၆၁၇၇ စီးရောင်းချခဲ့သည့်အတွက် ပထမနေရာတွင် ရပ်တည်ခဲ့ပါသည်။ ဂျာမန်ကားထုတ်လုပ်ရေး Mercedes – Benz က အစီးရေ ၅၈၃၈ စီးဖြင့် ဒုတိယနေရာ၊ U.S ကားထုတ်လုပ်ရေး Tesla က အစီးရေ ၄၃၅၀ စီး၊ Volvo က ၁၄၃၅ စီး၊ Lexus က ၁၂၂၆ စီးနှင့် BYD က ၈၂၄ စီးဖြင့် အသီးသီးနောက်မှလိုက်ပြီး ရပ်တည်နေပါသည်။
အောက်တိုဘာလတွင် ရောင်းချခဲ့သော ဥရောပထုတ်ကား အရေအတွက်သည် ၁၆၂၈၃ စီးရှိခဲ့ပြီး စုစုပေါင်းအရေအတွက်၏ ၆၇.၇ ရာခိုင်နှုန်း ရှိခဲ့ပါသည်။ U.S အမှတ်တံဆိပ်များက ၂၀.၁ ရာခိုင်နှုန်း၊ ဂျပန်အမှတ်တံဆိပ်များက ၈.၈ ရာခိုင်နှုန်း၊ တရုတ်အမှတ်တံဆိပ်များက ၃.၄ ရာခိုင်နှုန်း ဈေးကွက်ဝေစုရရှိထားကြောင်း သိရှိရပါသည်။
Source : Xinhua
DOCA (ရန်ကုန်)