ယခုနှစ်တွင် တရုတ်နိုင်ငံသို့ ဆန်တန်ချိန် ၂၂၀၀၀၀ တန်ခန့် တင်ပို့နိုင်ရေး ညှိနှိုင်းလုပ်ဆောင်မှုများရှိနေ

           ဝန်ကြီးချုပ်ဌာန၏ ပြော‌ရေးဆိုခွင့်ရှိသူ Siripong Angkasakulkiat သည် နိုဝင်ဘာလ ၄ ရက်နေ့တွင် တရုတ်နိုင်ငံသို့ ထိုင်းနိုင်ငံမှ ဆန်များတင်ပို့နိုင်ရေးအတွက် ညှိနှိုင်းမှုအသစ်များကို ပြုလုပ်လျက်ရှိကြောင်း ပြောကြားခဲ့ကြောင်းနှင့် ဝန်ကြီးချုပ် Anutin Charnvirakul သည် တောင်ကိုရီးယားနိုင်ငံတွင်ပြုလုပ်မည့် APEC ထိပ်သီးအစည်းအဝေးတွင် တရုတ်နိုင်ငံ သမ္မတ Xi Jinping နှင့်ဆွေးနွေးမှုများ ပြုလုပ်သွားမည်ဖြစ်ကြောင်း ပြောကြားခဲ့ပါသည်။ တရုတ်နိုင်ငံ အစိုးရသည် ယခုနှစ်တွင် တရုတ်နိုင်ငံသို့ ထိုင်းနိုင်ငံမှ ဆန်တန်ချိန် ၅၀၀၀၀၀ တန်ခန့် တင်ပို့နိုင်မှု သေချာစေရန်အတွက် ထိုင်းနိုင်ငံနှင့်ဆွေးနွေးမှုများကို ဆက်လက်လုပ်ဆောင်သွားမည်ဟု ထုတ်ပြန်ကြေညာခဲ့ပါသည်။ အဆိုပါ သဘောတူညီမှုသည် ဆန်တင်သွင်းမှု စုစုပေါင်း တန်ချိန်ပမာဏ ၁၀ သန်းတန်ခန့် ပါဝင်သော အစိုးရချင်းပူးပေါင်းဆောင်ရွက်မှုသဘောတူညီမှု (G2G)၏ တစ်စိတ်တစ်ပိုင်းဖြစ်ကြောင်း သိရပါသည်။ အဆိုပါသဘောတူညီမှုအောက်တွင် ဆန်တင်သွင်းမှုပမာဏ ၂၈၀၀၀၀တန်ခန့် ကျန်ရှိနေကြောင်း သိရပါသည်။ သို့ရာတွင် Anutin သည် သမ္မတ Xi Jinping နှင့် ဆန်တန်ချိန် တင်သွင်းမှု ၅၀၀၀၀၀ တန်ခန့်ပြည့်မှီစေရန်အတွက် ဆန်တန်ချိန် ၂၂၀၀၀၀ ခန့် တရုတ်နိုင်ငံအား တင်သွင်းရန် ဆွေးနွေးမှုများ ပြုလုပ်ခဲ့ကြောင်း သိရပါသည်။ အဆိုပါ တင်သွင်းမှုသည် မြှင့်တင်ခြင်းသည် တရုတ်နိုင်ငံနှင့်ထိုင်းနိုင်ငံ နှစ် ၅၀ ပြည့် အထိမ်းအမှတ်အဖြစ် မြှင့်တင်ခြင်းဖြစ်ကြောင်း သိရပါသည်။ ၂၀၂၆ တွင်လည်း ထိုင်းနိုင်ငံအစိုးရနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနတို့သည် ဆန်တင်ပို့မှုပမာဏမြင့်တက် နိုင်စေရန်အတွက် တရုတ်နိုင်ငံနှင့်စေ့စပ်ညှိနှိုင်းမှုများ ပြုလုပ်သွားရန် စီမံလျက်ရှိကြောင်း သိရပါသည်။ ထိုင်းနိုင်ငံသည် အနာဂတ်တွင် တရုတ်နိုင်ငံသို့ ဆန်တင်ပို့မှုများတိုးမြှင့်ရန် အဆင်သင့်ဖြစ်နေပြီဖြစ်ကြောင်း သိရပါသည်။ APEC ထိပ်သီးအစည်းအဝေးအတွင်းတွင် ထိုင်းနိုင်ငံဝန်ကြီးချုပ်သည် တရုတ်နိုင်ငံဝန်ကြီးချုပ် Li Qiang နှင့် ဝန်ကြီးအဆင့်နှင့် သမ္မတအဆင့်များအတွက် ဆွေးနွေးမှုများ ပြုလုပ်ခဲ့ကြောင်း သိရှိရပါသည်။

Source: The Nation Thailand                                                                 

DOCA (ရန်ကုန်)