ကန့်ဘလူခရိုင် ၊ ကျွန်းလှမြို့၊ သစ်ရာမြိုင်ရပ်ကွက်တွင် ၊ အပိုဝင်ငွေရရှိရန်အတွက် စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ သစ်ပင်ပန်းပင်အမျိုးမျိုးကို အပင်ပေါက်ရော အပွင့်ပါ ရောင်းချရန် တစ်နိုင် တစ်ပိုင် စိုက်ပျိုးလာကြသည်။
ယိုးဒယားအင်ကြင်းဖြူပျိုးပင်ကို အလှပန်းအိုးဖြင့် စိုက်ပျိုး၍ရသလို မြေအောက်ရေတင်စနစ်ဖြင့် မြေကျင်းတူးစိုက်ပျိုးရသော အပင်တစ်မျိုးဖြစ်ပြီး ယိုးဒယားအင်ကြင်းဖြူပျိုးပင်သည် ပြုစုရလွယ်ကူပြီး နေရာဒေသမရွေး စိုက်ပျိုးနိုင်သောအပင်ဖြစ်ပြီး (၁၂)လရာသီပွင့်သောပန်းဖြစ်ပါသည်။ ယိုးဒယားအင်ကြင်းဖြူ ပန်းပွင့်အနေဖြင့် အဖြူရောင်းလေးပွင့်ပြီး အပွင့်ကြီးကာ အရမ်းမွှေးသော ပန်းပွင့်မျိုးဖြစ်ကြောင်း သိရသည်။
၂၀၂၅ ခုနှစ်၊ အောက်တိုဘာလ နောက်ဆုံးအပတ် ကျွန်းလှမြို့၏ ရောင်းချနေသော ယိုးဒယား အင်ကြင်းဖြူပျိုးပင် ဈေးနှုန်းများမှာ ယိုးဒယားအင်ကြင်းဖြူပျိုးပင် တစ်ပင်လျှင်(၁၀၀၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ပန်းဥယာဉ်စိုက်ပျိုး ရောင်းချသူထံမှ သိရှိရပါသည်။
DOCA(စစ်ကိုင်း)