ဧရာဝတီတိုင်းဒေသကြီး၊ ကြံခင်းမြို့နယ်အတွင်းရှိ ကျေးရွာများတွင် နှမ်းနှင့်ပဲမျိုးစုံသီးနှံများကို အဓိကစိုက်ပျိုးကြပြီး ဟင်းသီးဟင်းရွက်သီးနှံများလည်း တစ်နိုင်တစ်ပိုင်စိုက်ပျိုးလျက် ရှိပါသည်။
ရွှေဖရုံသီးကို ဇူလိုင်လတွင် စတင်စိုက်ပျိုး၍ အောက်တိုဘာလတွင် အသီးရင့်မှည့်ကာ ခူးဆွတ်နိုင်ကြောင်း၊ မျိုးအနေဖြင့် အလုံးပြား ရွှေဖရုံသီးမျိုးကို စိုက်ပျိုးကြပါသည်။ စိုက်ပျိုးရာတွင် မြေအောက်ရေတင်စနစ်ဖြင့် စိုက်ပျိုးပြီး တစ်ပေခွဲအကွာ ကျင်းများတူး၍ အစေ့ချစိုက်ပျိုးရကြောင်း၊ စိုက်ပျိုးမှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် တစ်ဧကလျှင် ငွေကျပ် ၁၆ သိန်းခန့် ကုန်ကျကြောင်း၊ အထွက်နှုန်းအနေဖြင့်တစ်ဧကလျှင်အလုံးရေ၁၀၀၀-၁၅၀၀ခန့် ထွက်ရှိပြီး ဈေးနှုန်းအနေဖြင့် အောက်တိုဘာလတတိယပတ်တွင် ရွှေဖရုံသီးတစ်လုံးလျှင် လက်ကား ဈေး ၂၀၀၀/-ကျပ်ဖြင့် ရောင်းချရပြီး အကျိုးအမြတ်အနေဖြင့် တစ်ဧကလျှင် ငွေကျပ် ၁၄ သိန်းခန့် ရရှိကြောင်း၊ ဈေးကွက်အနေဖြင့် လက်လီလက်ကားကုန်စိမ်းသည်များမှ စိုက်ခင်းအထိ လာရောက် ဝယ်ယူကြပြီး ဒေသတွင်းနှင့် အခြားတိုင်းဒေသကြီးများသို့ ပြန်လည်ရောင်းချကြကြောင်း၊ရွှေဖရုံ သီးပင် စိုက်ပျိုးခြင်းသည် အသီးများ သာမကအညွန့်(အရွက်)များပါရောင်းချရသောကြောင့်အပိုဝင်ငွေများရရှိပြီး တောင်သူများအနေဖြင့် အကျိုးအမြတ်များပိုမိုရရှိကာ အဆင်ပြေလျက်ရှိကြောင်း သိရ သည်။
DOCA (ဧရာဝတီ)