မြန်မာနိုင်ငံအထက်ပိုင်းတွင် နေကြာကို မတ်လ - ဧပြီလ (သို့မဟုတ်) ဇူလိုင်လ - ဩဂုတ်လများ တွင်စိုက်ပျိုးပြီး စက်တင်ဘာလနှင့် အောက်တိုဘာလတို့တွင် ရိတ်သိမ်းသည်။ ရှမ်းပြည်နယ်၌ မိုးနှောင်းပိုင်း အချိန်တွင် ကောင်းစွာစိုက်ပျိုးနိုင်သည်။ မြန်မာနိုင်ငံအောက်ပိုင်း၌ ရေသွင်းဒေသများတွင် နိုဝင်ဘာလနှင့် ဒီဇင်ဘာလ အထိစိုက်ပျိုးနိုင်ပြီး ဖေဖော်ဝါရီလနှင့် မတ်လတွင် ရိတ်သိမ်းနိုင်သည်။ အပင်ပေါက်ရာခိုင်နှုန်း မှာ (၈၀% မှ ၉၀%) ခန့်ရှိပြီး မျိုးသန့်မျိုးစေ့ဖြစ်သင့်သည်။ တစ်ဧကလျှင် မျိုးစေ့နှုန်းမှာ (၇-၉) ကီလိုနှုန်း ဖြစ်သည်။ မြန်မာနိုင်ငံတွင် စိုက်ပျိုးလျှက်ရှိသော မျိုးများမှာ ဆင်းရွှေကြာ(၁)၊ ဆင်းရွှေကြာ(၂)၊ ရေဆင်းစပ်မျိုး(၁) တို့ဖြစ်ပါသည်။
DOCA(ရှမ်း)