အေးမြကြည်လင်ဈေးနှင့်မြို့မဈေးတို့တွင် ရှမ်းပြည်နယ်၊ကလော၊အောင်ပန်း၊ရွာငံတို့ဘက်မှ ဂျင်းသစ်များဝင်ရောက် ရောင်းဝယ်လျက်ရှိကြောင်း၊ ဂျင်းတက် (အဟောင်း) တစ်ပိဿာလျှင် (၄၀၀၀) ကျပ်၊ဂျင်းတက်(အသစ်)တစ်ပိဿာလျှင် (၃၀၀၀)ကျပ်၊ဂျင်းပေါက်(အနု) တစ်ပိဿာလျှင် (၇၀၀၀)ကျပ်၊ ဂျင်းပေါက်(အကြမ်း) တစ်ပိဿာလျှင် (၅၀၀၀)ကျပ်ဈေးနှုန်းဖြင့် ရောင်းဝယ်လျက်ရှိ ကြောင်း၊ ချင်း(ဂျင်း)သည် ပူစပ်တဲ့အရသာရှိကြောင်း၊ အဆုတ်၊ အစာအိမ်၊ သရက်ရွက်တို့အတွက် အကောင်းဆုံး ဆေးတစ်လက်ဖြစ်ကြောင်း၊ ချင်း(ဂျင်း)ကိုပြုတ်၍သောက်သုံးခြင်းဖြင့် ချွေးထွက်စေ ပြီး ခန္ဓာကိုယ်အနွေးဓာတ် ရစေနိုင်ကြောင်း၊ အအေးမိလို့ ချွဲသလိပ်ကျပ်နေရင် သလိပ်ကို ပျော်စေကြောင်း၊ အဆိပ် အတောက်တွေကိုပြယ်စေပြီး ဟင်းခတ်အမွှေးအကြိုင်အဖြစ်လည်း အသုံးပြုနိုင်ကြောင်း၊ အအေးမိ၊ နှာစေး၊ ချောင်းဆိုး၊ တုပ်ကွေးကြောင့်ဖြစ်သည့် ခေါင်းကိုက်ခြင်း၊ တစ်ကိုယ်လုံးကိုက်ခဲခြင်း၊ နှာပိတ်၊ နှာရည်ယိုခြင်း ဖြစ်သူတွေ အတွက် ချင်းစိမ်း၊ ချင်းခြောက်ကို ဝါးစား၊ ပြုတ်သောက်ရုံနဲ့ သက်သာစေနိုင်ကြောင်း၊ ဂျင်းကပူရုံ၊စပ်ရုံ၊ဟင်း၏အနံ့ရသာကို ပြည့်စုံရုံတင် မဟုတ်ဘဲ၊ အမျှင်ဓာတ်၊ ပရိုတင်းဓာတ်၊ အဆီဓာတ်၊ သကြားဓာတ်၊သံဓာတ်စသည်ဖြင့်အာဟာရ ဓာတ်တွေေလည်း ကြွယ်ဝ ကြောင်း၊ ဂျင်းစားသုံးခြင်းဖြင့် အစာကြေခြင်း၊ မအီအသာဖြစ်ခြင်း၊ အော့အန်ခြင်း၊ သွေးတွင်း သကြားဓာတ်ကို ထိန်းညှိပေးခြင်းစသည့် ရောဂါများသက်သာစေနိုင်ခြင်း စသည့် အကျိုးကျေးဇူး များရှိကြောင်း သိရှိရပါသည်။
DOCA (မန္တလေး)