ဘူးပင်သည် စိုက်ပျိုးရန်လွယ်ကူသော အပင်ဖြစ်၍ မျိုးကို သီးသန့်ရွေးချယ်ခြင်းမျိုးမရှိဘဲ အပင်တွင် အသီးသီးသည့်အပေါ် မိမိကြိုက်နှစ်သက်သော အသီးကို မျိုးအဖြစ်ထား၍ မျိုးစေ့ ရယူပါသည်။ ပျိုးထောင်စိုက်ပျိုးခြင်းနှင့် တိုက်ရိုက်မျိုးစေ့ချစိုက်ပျိုးခြင်းဟူ၍ စိုက်ပျိုးနည်း (၂) မျိုးရှိပါသည်။ ပျိုးထောင်စိုက်ပျိုးရာတွင် မြေဆွေးထည့်ထားသော ပလပ်စတစ်အိတ်တွင် ဘူးစေ့(၂) စေ့ခန့်ထည့်၍ စိုက်ပြီး (၁၀) ရက်ခန့်အကြာ ပျိုးပင်ပေါက်လာပါသည်။ အပင်အရွယ် (၃) ရွက် မှ (၄) ရွက်ထွက်လျှင် မိမိစိုက်ပျိုးလိုသည့် နေရာသို့ ရွေ့ပြောင်းစိုက်ပျိုးနိုင်ပါသည်။ ဘောင်ဖြင့် စိုက်ပျိုးရာတွင် မြေဆွေးများမြေဩဇာများ အချိုးညီမျှစွာပြုပြင်ထားသော မြေကို စိုက်ဘောင်အဖြစ် အလျား(၅) ပေ၊ အနံ(၃) ပေ၊ အမြင့် (၁) ပေခန့် ဘောင်ပြုလုပ်ပြီး (၃) လက်မခန့် အနက်ရှိ (၁) ခြားကျင်းငယ်များတူး၍ ဘူးစေ့ (၃) စေ့ မှ (၅) စေ့ခန့် အထိ စိုက်ရပါသည်။ ဘူးများပေါက်လာသည့်အပေါ် ၁ ကျင်းလျှင် အနည်းဆုံး (၂) ပင်ခန့်သာ ချန်ထားပြီး ကျန်အပင်များကို ဖယ်ရှားပစ်ရပါသည်။ ယခုအပတ်တွင် ဘူးသီးဈေးနှုန်းမှာ အလုံးကြီး (၁) လုံးလျှင် (၂၀၀၀) ကျပ်နှင့် အလုံးလတ် (၁) လုံးလျှင် (၁၅၀၀) ကျပ် ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
(DOCA) ဧရာဝတီ