“ မြစ်သားမြို့နယ်တွင် ဆောင်းနှမ်းများစတင်စိုက်ပျိုး”

            မန္တလေးတိုင်းဒေသကြီး ၊ ကျောက်ဆည်ခရိုင်သည် ဆီထွက်သီးနှံမျိုးစုံ အောင်မြင်ဖြစ် ထွန်းလျက်ရှိရာ ၎င်းသီးနှံများအနက် ဆောင်းနှမ်းသီးနှံကိုလည်း ဟင်းလျှာကန် ၊ တမာပင် ၊ သပြေသာရွာများတွင် စတင်စိုက်ပျိုးလျက်ရှိပါသည် ။ ဆောင်းနှမ်းကို အောက်တိုဘာ နှင့် နိုဝင်ဘာလများတွင် စတင်စိုက်ပျိုးကြပြီး ဇန်နဝါရီ နှင့် ဖေဖော်ဝါရီလများတွင် စတင်ထွက်ရှိမှာ ဖြစ်ကြောင်း၊ ဆောင်းနှမ်း(၁)ဧက စိုက်ပျိုးလျှင် မျိုးအနေဖြင့်(၂-၃)ပြည် စိုက်ပျိုးရကြောင်း၊ (၁) ပြည်လျှင်(၈၀၀၀/-)ကျပ်ဈေးဖြင့် ဝယ်ယူစိုက်ပျိုးရကြောင်း ၊ ဆောင်းနှမ်း စိုက်ပျိုးမှု(၁) ဧက ကုန်ကျစရိတ်အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း(၃၅၀၀၀၀/-)ကျပ် ခန့်ကုန်ကျကြောင်း ၊ စိုက်ပျိုးသောမျိုးများမှာ နှမ်းညို ၊ နှမ်းဖြူ ၊ နှမ်းနက်မျိုးများကို အများဆုံး စိုက်ပျိုးကြကြောင်း ၊ ဆောင်းနှမ်းစိုက်ပျိုးမှုအနေဖြင့် ထွန်ကြောင်းဆွဲ ၊ အစေ့ကျစနစ်ဖြင့် စိုက်ပျိုးကြကြောင်း ၊ ယခင်နှစ် ဆောင်းနှမ်းထွက်ရှိမှုအနေဖြင့် (၁၁-၁၂)တင်းခန့် ထွက်ရှိကြောင်း၊ ထွက်ပေါ်ချိန်တွင် နှမ်းဈေးနှုန်းအနေဖြင့် နှမ်းဖြူ(၁)တင်းလျှင် (၁၄၁၀၀၀/-)ကျပ် ၊ နှမ်းညို (၁)တင်းလျှင်(၉၇၀၀၀/-)ကျပ် ၊ နှမ်းနက်(၁)တင်းလျှင်(၇၅၀၀၀/-)ကျပ် ၊ ဈေးနှုန်းများဖြင့် အရောင်း အဝယ်ဖြစ်ခဲ့သောကြောင့် စိုက်ပျိုးစရိတ်နှုတ်ပြီး (၁၂၀၀၀၀၀/-)ကျပ်ခန့် မြတ်ခဲ့ကြောင်း၊ ယခု လက်ရှိနှမ်းပေါက်ဈေးအနေဖြင့် နှမ်းဖြူ(၁)တင်းလျှင် (၁၂၇၀၀၀/-)ကျပ်၊ နှမ်းညို (၁)တင်းလျှင် (၉၅၀၀၀/-)ကျပ်၊ နှမ်းနက်(၁)တင်းလျှင်(၉၅၀၀၀/-)ကျပ်၊ ဈေးနှုန်းများဖြင့် ရောင်းဝယ်လျက်ရှိ ကြောင်း၊ ဆောင်းနှမ်းများထွက်ပေါ်ချိန်တွင် တောင်သူများမှ နေလှန်းအခြောက်ခံကာ မြို့ပေါ် ပွဲရုံများသို့ တိုက်ရိုက်တင်ပို့ ရောင်းချလျက်ရှိကြောင်း၊ ပွဲရုံများမှ တစ်ဆင့် မန္တလေးမြို့၊ ရန်ကုန် မြို့များသို့ တင်ပို့ရောင်းချလျက်ရှိကြောင်း၊ ဆောင်းနှမ်းထွက်ပေါ်ချိန်တွင်လည်း ဈေးနှုန်းများ ကောင်းမွန်ပါက အကျိုးအမြတ်ပိုမိုဖြစ်ထွန်းနိုင်မည်ဖြစ်ကြောင်း ဆောင်းနှမ်းစိုက်ပျိုးသော တောင်သူတစ်ဦး၏ ပြောကြားချက်သိရှိရပါသည်။

DOCA(မန္တလေး)