မြန်မာနိုင်ငံတွင် ငှက်ပျောသီးအမျိုးအမည်များစွာရှိသည့်အနက် သီးမွှေးငှက်ပျောသီးသည်လည်း လူကြိုက်များပြီး စားသုံးမှုများသော ငှက်ပျောသီးမျိုးကွဲတစ်ခုဖြစ်သည်။ နာမည်နှင့်လိုက်ဖက်အောင် မွှေးပျံ့သောရနံ့ရှိသောကြောင့် သီးမွှေးဟုခေါ်ဆိုခြင်းလည်းဖြစ်ကာ အသီးအရွယ်အစားသည် အလယ် အလတ်ရှိပြီး ရင့်မှည့်လာသောအခါ အရသာအလွန်ချိုမွှေးပါသည်။ သီးမွှေးငှက်ပျောကို မြန်မာနိုင်ငံရှိ နေရာဒေသအနှံ့အပြားတွင် စိုက်ပျိုးကြသော်လည်း ကချင်ပြည်နယ်နှင့်ရှမ်းပြည်နယ်၊ မြောက်ပိုင်းတို့တွင် အဓိကစိုက်ပျိုးပြီး တရုတ် နိုင်ငံသို့ စီးပွားဖြစ်တင်ပို့ရောင်းချလျက်ရှိပါသည်။
တောင်ငူမြို့နယ်၊ ညောင်ပင်လေးဈေးထဲတွင် ရာသီပေါ်သီးနှံများရောင်းချလျက်ရှိရာ ငှက်ပျောသီး အရောင်းဆိုင်များတွင် သီးမွှေးငှက်ပျောသီး အသေး၊ အလတ်၊ အကြီးအရွယ်အစားအလိုက် ၂၅၀၀-၃၀၀၀-၃၅၀၀ ကျပ်အထိဈေးနှုန်းအမျိုးမျိုးရှိပြီး ရှမ်းပြည်မြောက်ပိုင်းမှ သယ်ယူရောင်းချ လျက်ရှိကြောင်း သိရသည်။
DOCA(ပဲခူး)