ဗီယက်နမ်၏ တောင်ပိုင်းစီးပွားရေးဗဟိုချက်ဖြစ်သည့် ဟိုချီမင်မြို့တော်သည် ၉ လအတွင်း အမေရိကန်ဒေါ်လာ ၈ ဘီလီယံ ငွေလွှဲမှု လက်ခံရရှိခဲ့

        ဗီယက်နမ်နိုင်ငံ၏ တောင်ပိုင်းစီးပွားရေးအချက်အချာကျသော ဟိုချီမင်းမြို့တော်သည် ၂၀၂၅ ခုနှစ် ပထမကိုးလအတွင်း ငွေလွှဲမှု အမေရိကန်ဒေါ်လာ ၈ ဘီလီယံနီးပါး ရရှိခဲ့ပြီး တစ်နှစ်ထက် တစ်နှစ် ၆.၂၅ ရာခိုင်နှုန်း မြင့်တက်လာခဲ့ကြောင်း ဗီယက်နမ်သတင်းအေဂျင်စီက ‌အောက်တိုဘာလ ၁၇ ရက်နေ့တွင် ဖော်ပြခဲ့သည်။ ပုံမှန်ဝင်ရောက်မှုသည် နိုင်ငံခြားငွေလဲလှယ်နှုန်းကို တည်ငြိမ်စေရန် အထောက်အကူဖြစ်စေပြီး ကမ္ဘာလုံးဆိုင်ရာ အကျပ်အတည်းဖြစ်နေသော်လည်း မြို့၏စီးပွားရေး တိုးတက်မှုကို အားကောင်းစေသည်ဟု နိုင်ငံပိုင်မီဒီယာက ဖော်ပြခဲ့သည်။

        အစီရင်ခံစာအရ ဟိုချီမင်းမြို့သို့ ပေးပို့သည့် ငွေလွှဲမှုသည် တတိယသုံးလပတ်တစ်ခုတည်း တွင် ဒေါ်လာ ၂.၇၃၇ ဘီလီယံအထိ ရောက်ရှိခဲ့ပြီး ယခင်သုံးလပတ်ထက် အနည်းငယ် လျော့နည်း သော်လည်း ယမန်နှစ် အလားတူကာလထက် ၁၈ ရာခိုင်နှုန်း တိုးလာကြောင်း အစီရင်ခံစာတွင် ဖော်ပြထားသည်။

       အာရှသည် ငွေလွှဲပို့မှု၏ အကြီးဆုံးရင်းမြစ်ဖြစ်ပြီး စုစုပေါင်း၏ ၅၀.၄ ရာခိုင်နှုန်းရှိပြီး ၎င်း၏ နောက်တွင် အမေရိကန်နိုင်ငံမှ ၃၀.၂ ရာခိုင်နှုန်းဖြင့် ဒုတိယနေရာတွင်ရပ်တည်လျှက်ရှိကြောင်း အစီ ရင်ခံစာတွင် ဖော်ပြချက်အရသိရသည်။ 

DOCA(ရန်ကုန်)