အမေရိကန်နိုင်ငံ၏ ကာကွယ်ရေးစက်ရုံများနှင့် မော်တော်ကားများနှင့် စမတ်ဖုန်းများ ထုတ်လုပ်မှုများအတွက် အဓိက အရေးအကြီးအစိတ်အပိုင်းအဖြစ် အသုံးပြုလျက်ရှိသော တရုတ် နိုင်ငံ၏ မြေရှားသတ္ထုတင်ပို့မှုသည် စက်တင်ဘာလအတွင်း ကျဆင်းလျက်ရှိကြောင်း သိရပါ သည်။ ဧပြီလနှင့် မေလအတွင်းတွင် တရုတ်နိုင်ငံ၏ မြေရှားသတ္ထုတင်ပို့ရောင်းချမှုသည် သြဂုတ်လမှ စက်တင်ဘာလအတွင်းတွင် ၆.၁ ရာခိုင်နှုန်းခန့် ကျဆင်းရှိကြောင်း အောက်တိုဘာလ ၂၀ ရက်နေ့တွင် ထုတ်ပြန်ခဲ့သော အကောက်ခွန်ဌာန၏ အချက်အလက်များအရ သိရပါသည်။ အဆိုပါ ကျဆင်းမှုသည် ယခုလအတွက် သိသိသာသာ လိုင်စင်ချဲ့ထွင်ခြင်းမပြုလုပ်ခင်တွင် ဖြစ်ပေါ်ခဲ့ကြောင်း သိရပါသည်။ တရုတ်နိုင်ငံသည် သြဂုတ်လတွင် မြေရှားသတ္ထုတန်ချိန်ပေါင်း ၆၁၄၆ တန်ခန့် တင်ပို့ခဲ့ရာမှ စက်တင်ဘာလတွင် မြေရှားသတ္ထုတန်ချိန် ၅၇၇၄ တန်ခန့်သာ တင်ပို့နိုင်ခဲ့ကြောင်းနှင့် မြေရှားသတ္ထုတင်ပို့သည့် ကုမ္ပဏီများသည်လည်း လိုင်စင်ရရှိရန်အတွက် အခက်အခဲများနှင့် ရင်ဆိုင်နေရကြောင်း သိရပါသည်။ တရုတ်နိုင်ငံသည် မြေရှားသတ္ထုများကို ဂျာမနီနိုင်ငံ၊ တောင်ကိုရီးယားနိုင်ငံ၊ ဗီယက်နမ်နိုင်ငံ၊ အမေရိကန်နိုင်ငံနှင့် မက်စီကိုနိုင်ငံများသို့ အဓိကထား၍ တင်ပို့လျက်ရှိပါသည်။ ၂၀၂၅ ခုနှစ် ၉ လ တာကာလအတွင်းတွင် မြေရှား သတ္ထုတန် ချိန်ပေါင်း ၃၉၈၁၇ တန်ခန့် တင်ပို့ခဲ့ပြီး ၂၀၂၄ ခုနှစ် အလားအတူ ကာလနှင့် နှိုင်းယှဥ်လျှင် ၇.၅ ရာခိုင်နှုန်းခန့် ကျဆင်းလျက်ရှိကြောင်း သိရပါသည်။ အမေရိကန်နိုင်ငံသို့ စက်တင်ဘာလအတွင်း မြေရှားသတ္ထုတင်ပို့မှုသည် ၂၈.၇ ရာခိုင်နှုန်းခန့် ကျဆင်းလျက်ရှိ ကြောင်းနှင့် ဗီယက်နမ်နိုင်ငံသို့ တင်ပို့မှုသည်လည်း ၅၇.၅ ရာခိုင်နှုန်းခန့် ကျဆင်းလျက်ရှိကြောင်း အချက်အလက်များအရ သိရပါသည်။ တရုတ်နိုင်ငံ သမ္မတ Xi Jinping သည် ယခုလ နောက်ပိုင်းတွင် တောင်ကိုရီးယား နိုင်ငံ၌ နှစ်နိုင်ငံကြား စီးပွားရေးပွတ်တိုက်မှုများအား ဆွေးနွေး ရန်အတွက် အမေရိကန်သမ္မတ Donald Trump နှင့်တွေ့ဆုံသွားမည်ဖြစ်ကြောင်း သိရပါသည်။
Source: The Daily Star
DOCA (ရန်ကုန်)