ဖိလစ်ပိုင်နိုင်ငံ စိုက်ပျိုးမွေးမြူရေးဝန်ကြီးဌာန (DA) သည် သကြားလေလံပွဲ၌ သကြားစျေးနှုန်း ကျဆင်းမှုကြောင့် ၂၀၂၆ ခုနှစ် အထိ သကြားတင်ပို့မှုကို အစိုးရအနေဖြင့် ပိတ်ပင်လိုက်ကြောင်း သကြားထုတ်လုပ်သူနှင့် ရောင်းဝယ်သူများအား အတည်ပြုခဲ့ကြောင်း သိရ ပါသည်။ အောက်တိုဘာလ ၉ ရက်နေ့အတွင်းတွင် ကြုံတွေ့ခဲ့သော သကြားစျေးနှုန်း ကျဆင်းမှုများ နှင့် ပတ်သက်၍ စိုက်ပျိုးရေးဝန်ကြီးဌာနမှ အတွင်းရေးမှူးဆိုသူ Francisco Tiu Laurel Jr.၊ သကြားစျေးကွက်လေ့လာရေး (SRA) မှ အကြီးအကဲဆိုသူ Paul Azcona နှင့် SRA မှ ဘုတ်အဖွဲ့ဝင် များအပါအဝင် လယ်သမားများကိုယ်စားပြု Dave Sanson တို့သည် အစည်းအဝေး ကျင်းပ ပြုလုပ် ခဲ့ကြောင်း သိရပါသည်။ တည်ငြိမ်သောထောက်ပို့မှု သေချာစေရန်နှင့် စျေးကွက်မြင့်တက်မှုများမှ ကာကွယ်ရန်အတွက် ဖိလစ်ပိုင်အစိုးရသည် သန့်စင်ထားသော သကြားများကို ထိန်းသိမ်းသွားမည် ဖြစ်ကြောင်းနှင့် အနာဂတ်တွင်တင်သွင်းမည့် မည်သည့်သကြားမဆို အရန်သကြားအဖြစ် သတ်မှတ်မည်ဖြစ်ကြောင်းနှင့် ပြည်တွင်းစျေးကွက် တွင် ထုတ်ဝေခွင့်ပြုမည် မဟုတ်ကြောင်း ပြောကြားခဲ့ပါသည်။ Sanson က အဆိုပါ အစိုးရ၏ စျေးကွက်တည်ငြိမ်ခြင်းနှင့် ပြည်တွင်း စိုက်ပျိုး သူများအတွက် ကာကွယ်ခြင်းနှင့် ပတ်သက်သည့် ဆုံးဖြတ်ချက်သည် သကြားထုတ်လုပ်သူများ အတွက် အလွန်ပြင်းထန်ကြောင်း ပြောကြား ခဲ့ပါသည်။ လုပ်ငန်းအချက်အလက်များအရ ကြံပင် များကို ၂၀၂၂ ခုနှစ်တွင် ၃၈၀၀၀၀ ဟက်တာမှ ၄၀၉၀၀၀ ဟက်တာအထိ တိုးချဲ့ခဲ့ကြောင်း သိရပါသည်။ ယခုနှစ်ဇွန်လ အစောပိုင်း တွင် ဖိလစ်ပိုင်နိုင်ငံ၏ ပြည်တွင်း သကြားထွက်ရှိမှုသည် တန်ချိန် ၂.၀၁၅ သန်း မက်ထရစ်တန်ခန့် ရောက်ရှိခဲ့ကြောင်း စိုက်ပျိုးရေးရာဝန်ကြီးဌာန၏ ထုတ်ပြန်ချက်များအရ သိရပါသည်။ အဆိုပါ ရောက်ရှိမှုသည် ယခင်နှစ်ထက် တန်ချိန် ၁.၉၂၂ သန်း မက်ထရစ်တန်ခန့် ပိုမိုများပြားကြောင်း သိရပါသည်။
DOCA (ရန်ကုန်)