ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် ငါးရံ့ခြောက်များထွက်ရှိပြီး ငါးရံ့စိုကိုခွဲ၍ ငါးရံခြောက်လှန်ပြီး ပြန်လည်ရောင်းချသော လုပ်ငန်းများရှိသည်။ ယခုကာလတွင် ငါးရံများပေါ်များထွက်ရှိလာပြီး ငါးရံအစို အကောင်သေး ၁ပိဿာကို ၁၅၀၀၀ကျပ်ဖြင့် ရောင်းချနေကြောင်း ဈေးကွက်အတွင်းမှ သိရသည်။
ငါးရံ့ခြောက်ဈေးနှုန်းအနေဖြင့် အောက်တိုဘာလက ၁ပိဿာလျှင် ၁၄၀၀၀၀-၁၅၀၀၀၀ကျပ်ဖြင့် ရောင်းချလျက်ရှိကြောင်း ငါးခြောက်ရောင်းချသော လုပ်ငန်းထံမှ သိရသည်။ ယခုရောင်းချနေသော ငါးခြောက်သည် မနှစ်ကထွက်ရှိသော လက်ကျန်ငါးရံ့ခြောက်ဖြစ်ပြီး ဒေသထွက် ငါးရံ့ခြောက်များ ထွက်ရှိမှနည်းပါးနေခြင်းကြောင့် ဈေးနှုန်း ကြီးမြင့်ခြင်းဖြစ်ကြောင်း၊ ဒေသတွင်းထွက်ရှိသော ငါးရံ့ခြောက်များ ထွက်ရှိလာပါက ဈေးနှုန်းကျဆင်းနိုင်ကြောင်း ငါးရံခြောက်ရောင်းချသူ ကိုတင်အေးနှင့်မသူဇာ ထံမှ သိရှိရပါသည်။
DOCA(ဧရာဝတီ)