စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးလက်အောက်ရှိ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၂၄.၉.၂၀၂၅)ရက်နေ့ နံနက်(၁၀:၀၀)နာရီအချိန်တွင် မှော်ဘီ မြို့မဈေးအတွင်းရှိ စားအုန်းဆီလက်လီအရောင်းဆိုင်များသို့ စားအုန်းဆီရောင်းချနေခြင်းအား ကွင်းဆင်းစစ်ဆေးခဲ့ပါသည်။
ထိုသို့စစ်ဆေးခဲ့ရာတွင် ဦးဝေလင်းအောင် စားအုန်းဆီအရောင်းဆိုင်မှ မိမိသည် ဝေမာကုမ္ပဏီမှရရှိသောခွဲတမ်းအား ဝါးနက်ချောင်းကျေးရွာရှိ သရက်တော၊ ဈေးကွက်သစ်နှင့် ရှမ်းပိုင်ရွာများမှ အိမ်ထောင်စုများသို့လည်းကောင်း၊ ဒေါ်နွယ်နွယ်ဝါလက်လီအရောင်းဆိုင်သို့ ရောက်ရှိခဲ့ရာ မိမိရရှိသောခွဲတမ်းအား ဝါးနက်ချောင်းကျေးရွာအရှေ့ပိုင်း ၁၊ ၂၊ ကျောက်တောင်စု ၁၊ ၂နှင့် ဝါးဖြူ တော (၆)ပိုင်းမှ အိမ်ထောင်စုများသို့လည်းကောင်း တစ်အိမ်ထောင်လျှင် (၅၀)ကျပ်သားနှုန်းဖြင့် အပိုင်အလိုက်ခွဲဝေပေးပါကြောင်း၊ ဈေးနှုန်းမှာလည်း လက်ကားကိုယ်စားလှယ်များမှ သတ်မှတ်ပေးသော ဈေးနှုန်းအတိုင်း ရောင်းချလျက်ရှိပြီး နေ့စဉ် လက်ကျန်မထားရှိဘဲ ခွဲတမ်းများ ကုန်စင်အောင်ရောင်းချပေးပါကြောင်း၊ မိမိတို့ဌာနမှလည်း ဈေးနှုန်း မြှင့်တင်ရောင်းချခြင်းများ၊ သိုလှောင်ထားခြင်းများရှိခဲ့လျှင် ဥပဒေအရ အရေးယူဆောင်ရွက်သွားမည် ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။
DOCA (ရန်ကုန်)