မအူပင်ခရိုင်အစားအသောက်ဆေးဝါးကွပ်ကဲရေးဦးစီးဌာန၊ မြို့နယ် ကျန်းမာရေးဦးစီးဌာန၊ မြို့နယ် စားသုံးသူရေးရာဦးစီးဌာနဆို့ ပူးပေါင်း၍ ဈေးကွက်မရောက်မီ ဖြန့်ချီရောင်းချနေသော ရေသန့်စက်ရုံသို့ ကွင်းဆင်း၍ ကောင်းမွန် ထုတ်လုပ်မှု ကျင့်စည်နှင့် အညီ ဆောင်ရွက်ထုတ်လုပ်ခြင်း ရှိမရှိကို ၂၂-၉-၂၀၂၅ ရက်နေ့ နံနက် ၁၀နာရီအချိန်က ရေလဲလမ်းပေါ်ရှိ ကြေးမှုံရေသန့်စက်ရုံသို့ ကွင်းဆင်းစစ်ဆေးဆောင်ရွက်ခဲ့ကြသည်။
ကွင်းဆင်းစစ်ဆေးဆောင်ရွက်ရာတွင် ရေသန့်စက်ရုံတွင် သတ်မှတ်ချက်နှင့်အညီ စက်ပစ္စည်းများကို သတ်မှတ်ချက်နှင့်အညီ ပြင်ဆင်ဆောင်ရွက်လုပ်ကိုင်ခြင်း ရှိမရှိ၊ ထုတ်လုပ်မှု ကျင့်စဉ်နှင့်အညီ ရေသန့်ဗူးများကို လုပ်ကိုင်ဆောင်ရွက်ခြင်း ရှိမရှိ၊ ဈေးကွက်ဖြန့်ချီသည့်အခါ သက်ဆိုင်ရာ အစိုးရဌာနများ၏ လမ်းညွှန်ချက်များကို လိုက်နာဆောင်ရွက်ထားရှိခြင်း ရှိမရှိကို စစ်ဆေးဆောင်ရွက်ခြင်း၊ ကုန်အညွှန်အမှတ်အသားဖော်ပြချက်များ ကိုက်ညီ မှု ရှိမရှိကို စစ်ဆေးခြင်း၊ ကြေးမှုံရေသန့်စက်ရုံတွင် ထုတ်လုပ်ရန် လုပ်ငန်းလိုအပ်ချက်များ ကို တွေ့ရှိ၍ သတ်မှတ်ချက်များ၊ လိုအပ်ချက်များကို ဖြည့်ဆည်းဆောင်ရွက်နိုင်ရေး တာဝန်ခံကို မှာကြားဆောင်ရွက်ပြီး သိရှိကြောင်း ဝန်ခံကတိမှတ်တမ်းရေးသွင်း၍ နောက်တစ်ကြိမ် ကွင်းဆင်းဆောင်ရွက်သည့်အခါ လိုက်နာဆောင်ရွက်ခြင်းမရှိပါက ဥပဒေအရ အရေးယူဆောင်ရွက်သွားမည်ဖြစ်ကြောင်း FDAဌာနမှ မှာကြား ရှင်းလင်း စစ်ဆေးခဲ့ပါသည်။
DOCA(ဧရာဝတီ)