စားသုံးသူရေးရာဉီးစီးဌာန၊ မအူပင်ခရိုင်ဉီးစီးမှူးရုံး မှ ခရိုင်ဦးစီးမှူး ဦးဇော်မင်းသည် (၁၉.၉.၂၀၂၅)ရက်နေ့ နံနက်(၁၁)နာရီအချိန်တွင် မအူပင်ခရိုင်ဦးစီးမှူးရုံး ခန်းမတွင် စက်သုံးဆီ ရောင်းချသည့် ဆိုင်တာဝန်ခံများနှင့် တွေ့ဆုံ၍ ဆွေးနွေးဆောင်ရွက်ခဲ့ကြောင်း သိရသည်။
ထိုသို့ တွေ့ဆုံရာတွင် ခရိုင်ဦးစီးမှူး ဦးဇော်မင်းက စက်သုံးဆီအရောင်းဆိုင်တာဝန်ခံ ကျားဆီဆိုင်၊ MMK , Danko, တာမင်နယ် စက်သုံးဆီဆိုင်တာဝန်ခံများအား စီးပွားရေးလုပ်ငန်းရှင်၏ တာဝန်များ၊ ဌာနမှထုတ်ပြန်ထားသည့် အမိန့်နှင့်ညွှန်ကြားချက်များအကြောင်း ဆွေးနွေးပြီး စက်သုံးဆီဆိုင် တာဝန်ခံက မိမိတို့ဆိုင်တွင် အပတ်စဉ်သောကြာနေ့တိုင်း ထုတ်ပြန်သော ရည်ညွှန်းဈေးအတိုင်း ရောင်းချပါကြောင်း၊ ချိန်တွယ်ရာတွင်လည်း လီတာများကို ပြည့်ဝစွာ ချိန်တွယ်ရောင်းချရန် အရောင်းဝန်ထမ်းများကို သင်ကြားပေးပါကြောင်း၊ ဈေးနှုန်းများကိုလည်း အများပြည်သူမြင်သာအောင် LED ဘုတ်များဖြင့် ဖော်ပြထားပါကြောင်းနှင့် ဈေးနှုန်းမြှင့်တင် ရောင်းချခြင်းများ သိုလှောင်ထားခြင်းများ မပြုလုပ်ရန် ဆွေးနွေးပြောကြား ခဲ့ကြောင်း၊ စက်သုံးဆီ ဆိုင်သို့ ဆီဘောင်ဆာကားများ အချိန်နှင့်တပြေးညီ ရောက်ရှိပါက ရောက်ရှိ ဆီပေပါများကို စာရင်း ပြုစုထားရန်၊ စက်သုံးဆီရောင်းချမှုအခြေအနေများ၊ ဆီရ ထုတ်ကျန်၊ စာရင်းများ ပြုစုထားရန်တို့ကို ဆွေးနွေးပြီး မြို့နယ်အတွင်း စက်သုံးဆီပြတ်လပ်မှုမရှိစေရေးနှင့် စက်သုံးဆီဈေးနှုန်း အဆမတန် မြှင့်တင် ရောင်းချမှုများမရှိစေရေး အသိပညာပေးဆွေးနွေးခဲ့ ကြောင်း သိရှိရပါသည်။
DOCA(ဧရာဝတီ)