မန္တလေးတိုင်းဒေသကြီး၊ ကျောက်ဆည်ခရိုင်သည် ရေစီးရေလာနှင့် မြေဆီမြေဩဇာ ကောင်းမွန်သော ဒေသဖြစ်သည့်အလျောက် စပါး၊ပဲမျိုးစုံ၊ ပြောင်းဆီထွက်သီးနှံများနှင့် ဟင်းသီး ဟင်းရွက် သစ်သီးဝလံများအပြင် အလေ့ကျပေါက်ရောက်သော်လည်း ယခုအခါတွင် ပျိုးပင် အရောင်းဆိုင်များမှာ ကြောင်လျှာပျိုးပင်များကို တစ်ပင်လျှင် (၂၀၀၀-၂၅၀၀/-)ကျပ် ဈေးများဖြင့် ရောင်းဝယ်လျက်ရှိပြီး နေရာမရွေးစိုက်ပျိုးနိုင်ပြီး ဖြစ်ကြောင်း၊ ကြောင်လျှာသီး ဈေးနှုန်းအနေဖြင့် အသီးတစ်တောင့်လျှင် အကြီး၊အသေးပေါ်မူတည်၍ (၇၀၀-၁၀၀၀) ကျပ် ဈေးများဖြင့်ရောင်းဝယ်လျက်ရှိကြောင်း၊ ၎င်းအပင်များထဲမှ ဆေးဘက်ဝင် အပင်တစ်မျိုးဖြစ်သည့် ကြောင်လျှာပင်များလည်း ပေါက်ရောက်ပါကြောင်း၊ ကြောင်လျှာသီး၏ အရသာသည် စိမ့်ဖန်ခါးသော အရသာရှိပြီး ဓါးဖြင့် ပါးပါးလှီးပြီး ရေနွေးဖြင့်ပြုတ်၍ လည်းကောင်း မီးဖုတ်၍လည်းကောင်း အသုပ်ပြုလုတ်၍ စားသုံး နိုင်ကြောင်း၊ အချဉ်တည်၍လည်း စားသုံးနိုင်ကြောင်း၊ ကြောင်လျှာပွင့်များ ကိုလည်းရေနွေးဖျော၍ အသုပ်သုပ်စားရကြောင်း၊ ကြောင်လျှာသီး စားသုံးခြင်းဖြင့် နားအူနားကိုက်နှင့်ဆီးချိုရောဂါများ ပျောက်ကင်းစေကြောင်း၊ ကြောင်လျှာသီးကို စားသုံးခြင်းဖြင့် ဆဲလ်တွေထိခိုက်မှုမရှိအောင် ကာကွယ်ပေးသလို နာတာရှည်ရောဂါ အန္တရာယ်ကနေလည်း ကာကွယ်ပေးပါကြောင်း၊ ခန္ဓာကိုယ်အတွင်းရှိ အဆိပ်အတောက်တွေကိုလည်း ဖယ်ရှားပေးနိုင်သည့် အာနိသင်ရှိပါကြောင်း၊ ယခုလို မိုးရာသီများတွင် ကြောင်လျှာပွင့် ကြောင်လျှာသီးများ လှိုင်လှိုင်ထွက်ပေါ်လျက်ရှိကြောင်း ဒေသမရွေးရာသီမရွေး စိုက်ပျိုးစားသုံးရသောကြောင့် ဆေးဖက်ဝင်သော ကြောင်လျှာပင်ကို စိုက်ပျိုးသင့်ပါကြောင်း ရေးသားတင်ပြအပ်ပါသည်။
DOCA(မန္တလေး)