ဧရာဝတီတိုင်းဒေသကြီး၊ ပုသိမ်မြို့နယ်သည် မြစ်ဝကျွန်းပေါ်ဒေသဖြစ်ပြီး ငါး၊ ပုစွန် အစရှိသော ရေထွက်ပစ္စည်းများ ပေါကြွယ်ဝသဖြင့် ဒေသထွက်ငပိများကို ထုတ်လုပ်ရောင်းချ သည့် စက်ရုံကြီးများနှင့် အိမ်တွင်းလက်မှုလုပ်ငန်းငယ်များ အကြီးအကျယ်လုပ်ကိုင်လျက်ရှိသည်။ ပုသိမ်ငပိသည် ဈေးကွက်တွင် အရည်အသွေးကောင်းမွန်သည်ဟု နာမည်ကျော်ကြားပြီး ပြည်တွင်းဈေးကွက်အတွင်း ဝယ်လိုအားမြင့်မားသည့် ကုန်ပစ္စည်းတစ်ခုဖြစ်သည်။ ပုသိမ်ငပိကို ဒေသခံများက ဟင်းချက်ရာတွင် အဓိကဟင်းခတ်အမွှေးအကြိုင်အဖြစ်သာမက ငပိကြက်သွန်ဖြူ ထောင်း၊ ငပိရည်ချက် စသည့် တို့စရာများအဖြစ်လည်း အမျိုးမျိုးသုံးဆွဲကြသည်။ ဒေသထွက်ကုန် ဖြစ်သောကြောင့် ဈေးနှုန်းအနေဖြင့်လည်း စားသုံးသူများ ဝယ်ယူနိုင်သည့် သင့်တင့်မျှတသော ဈေးနှုန်းဖြင့် ရောင်းချနေကြောင်း သိရသည်။
လက်ရှိဈေးကွက်အခြေအနေအရ ပုသိမ်မြို့နယ်အတွင်းရှိ ဈေးကြီးများနှင့် ကုန်စိမ်းဒိုင် များတွင် ပုသိမ်ဒေသထွက် ငပိအရည်အသွေးအမျိုးမျိုး၏ လက်ကားဈေးနှုန်းများမှာ ငပိအမျိုး အစား (ပုစွန်ငပိ၊ ငါးငပိ) အရည်အသွေးမြင့် - ကျပ် ၁၀,၀၀၀ မှ ၁၂,၀၀၀ (တစ်ပိဿာ) အရည် အသွေးသင့်- ကျပ် ၇,၀၀၀ မှ ၉,၀၀၀ (တစ်ပိဿာ) လက်လီဈေးနှုန်း အရည်အသွေးမြင့် - ကျပ် ၁၃,၀၀၀ မှ ၁၅,၀၀၀ (တစ်ပိဿာ) အရည်အသွေးသင့် - ကျပ် ၉,၀၀၀ မှ ၁၁,၀၀၀ (တစ်ပိဿာ) ပုသိမ်ငပိများကို ဒေသခံများသာမက အနီးအနားရှိ မြို့နယ်များဖြစ်သော ဟင်္သာတ၊ မြောင်းမြ၊ မအူပင် စသည့်မြို့များသို့လည်း တင်ပို့ရောင်းချလျက်ရှိပြီး ဝယ်လိုအားကောင်းမွန်နေသောကြောင့် ထုတ်လုပ်သူများအတွက် ဈေးကွက်တည်ငြိမ်မှုရှိကြောင်း သိရသည်။
DOCA (ဧရာဝတီ)