တနင်္သာရီတိုင်းဒေသကြီး၊ မြိတ်မြို့ပေါ်တွင် ရာသီပေါ်သီးနှံများကို စိုက်ပျိုးရောင်းချလျက်ရှိရာ ယခုအခါ ကြက်ဟင်းခါးပင်များကိုလည်း နေအိမ်ခြံများနှင့် တောင်ယာများတွင် တစ် နိုင်တစ်ပိုင်စိုက်ပျိုးကြကြောင်း သိရှိရပါသည်။ ကြက်ဟင်းခါးသီးသည် အခါးဓါတ်ကိုပေးသော ဟင်းလျာအသီးတစ်မျိုးဖြစ်သည်။ ကြက်ဟင်းခါးသီးကို ပြုတ်တို့၍ဖြစ်စေ၊ ကြော်စား၍ဖြစ်စေ စားသုံးကြကြောင်း သိရှိရပါသည်။ ကြက်ဟင်းခါးသီးကို စားသုံးခြင်းဖြင့် သွေးလည်ပတ်မှုကို ကောင်းစေပြီး ဝမ်းချုပ်ခြင်း၊ ဆီးချို၊ သွေးချိုနှင့် ကင်ဆာရောဂါများကို ကာကွယ်ပေးနိုင်သော အသီးတစ်မျိုးဖြစ်သည်။ ဈေးကွက်အတွင်း၌ ဗမာကြက်ဟင်းခါးသီး၊ တောကြက်ဟင်းခါးသီးနှင့် ထိုင်ဝမ်ကြက်ဟင်းခါးသီးဟူ၍ မျိုးစုံရောင်းချလျက်ရှိကြောင်း သိရှိရပါသည်။ ယခုမိုးရာသီကာလ တွင် တောကြက်ဟင်းခါးသီးများ လှိုင်လှိုင်ထွက်နေကြောင်းလည်း သိရှိရပါသည်။
ယခု၂၀၂၅ခုနှစ် စက်တင်ဘာလဒုတိယပတ်တွင် မြိတ်မြို့ပေါ်တွင် ရောင်းချနေသော ကြက်ဟင်းခါးသီးမှာ တစ်လုံးလျှင် (၇၀၀)ကျပ်နှင့် (၈၀၀)ကျပ်ခန့်ရှိကြောင်း သိရှိရပါသည်။
DOCA(တနင်္သာရီ)