ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို ဈေးကွက် အတွင်းသို့ ရောင်းချလျက်ရှိပါကြောင်း၊ မျှစ်များပေါများလာသည့်အခါ မျှစ်စိမ်းများကို တစ်ဗွက်ဆူ ပြုတ်၍နေဖြင့် အခြောက်လှမ်းထားပြီး အမျိုးမျိုးချက်ပြုတ်စားသောက်လျက် ရှိပါသည်။ မန်ကျည်းပင် များကိုလည်း မိမိတို့နေအိမ်ခြံဝင်းစည်းရိုးများနှင့် လယ်ယာမြေများပေါ်တွင် အရိပ်ရ စေရန်အတွက် စိုက်ပျိုးကြပါကြောင်း၊ အလေ့ကျပေါက်ရောက်သည့် အပင်များလည်းရှိပါကြောင်း မန်ကျည်းသီးအမှည့် များကို ကျွန်းလှမြို့၊ သစ်ရာမြိုင်ဈေးတွင် အရောင်းအဝယ်ဖြစ်လျက်ရှိကြောင်း သိရသည်။
၂၀၂၅ခုနှစ်၊ ဩဂုတ်လ စတုတ္ထပတ်အတွင်း မျှစ်ခြောက် တစ်ပိဿာလျှင်(၂၈၀၀၀)ကျပ်၊ (၅၀)ကျပ်သားလျှင် (၁၄၀၀၀)ကျပ်၊ (၂၅)ကျပ်သားလျှင်(၇၀၀၀)ကျပ် ဈေးနှုန်းတို့ဖြင့် ရောင်းချ လျက်ရှိ သောကြောင့် မျှစ်ခြောက်ကို ငါးဖြင့်ပေါင်း၍သော်လည်းကောင်း၊ ချက်စား၊ သုပ်စားကြပြီး အခြားသီးနှံ များနှင့်လည်း ရောနှော၍ ချက်စားပါကြောင်း ပေါ်ဦးပေါ်ဖျားဖြစ်သည့်အတွက် ဈေးကြီးသော်လည်း အရောင်းအဝယ် ဖြစ်လျက်ရှိကြောင်း၊ မန်ကျည်းသီးမှည့် ဈေးနှုန်းများမှာ (အစေ့လွတ်) တစ်ပိဿာ လျှင်(၈၀၀၀)ကျပ်၊ (၅၀)ကျပ်သားလျှင်(၄၀၀၀)ကျပ်၊ (၂၅)ကျပ်သားလျှင် (၂၀၀၀)ကျပ်နှင့် မန်ကျည်းသီး မှည့်(အစေ့ပါ) တစ်ပိဿာလျှင်(၆၀၀၀)ကျပ်၊ (၅၀)ကျပ်သားလျှင် (၃၀၀၀)ကျပ်၊ (၂၅)ကျပ်သားလျှင် (၁၅၀၀)ကျပ်တို့ဖြင့် အရောင်းအဝယ် ဖြစ်လျက်ရှိကြောင်းသိရသည်။
DOCA (စစ်ကိုင်း)