ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်လျက်ရှိရာ နှစ်ရှည်သီးနှံပင်ဖြစ်သည့် သရက်သီးပင်၊ နဂါးမောက်သီး ပင်၊ ပိန္နဲသီးပင်၊ ဂွေးသီးပင်၊ စောင်းလျှားသီးပင်၊ မန်ကျည်းသီးပင်၊ အုန်းသီးပင်နှင့် မာလကာသီးပင်များကို လည်းစိုက်ပျိုးကြသည့်အနက် ဂွေးသီးပင်နှင့် စောင်းလျှားသီးပင်များကိုလည်း စိုက်ပျိုးလျကရှိကြောင်း သိရသည်။
၂၀၂၅ ခုနှစ်၊ ဩဂုတ်လ စတုတ္ထပတ်အတွင်း ဖြစ်ပေါ်နေသော ကျွန်းလှမြို့၏ ဂွေးသီး ဈေးနှုန်း အနေဖြင့် အကြီး တစ်လုံးလျှင်(၅၀)ကျပ်၊ (၅၀၀)ဖိုး (၁၁)လုံး၊ အသေး တစ်လုံးလျှင် (၃၅)ကျပ်၊ (၁၀၀)ဖိုးလျှင် (၃)လုံးဈေးနှုန်းတို့ဖြင့်လည်းကောင်း စောင်းလျှားသီး အကြီး တစ်လုံးလျှင် (၅၀)ကျပ်၊ (၂၀၀)ဖိုး(၅)လုံး၊ အသေး (၁၀၀)ဖိုး (၄)လုံး တို့ဖြင့် အရောင်းအဝယ်ဖြစ်လျက်ရှိကြောင်း ဂွေးသီးနှင့် စောင်းလျှားသီးများကို ကျောင်းမုန့်ဈေးဆိုင်တန်းမှ ဈေးသည်များ၊ အချဉ်ပေါင်းသည်များနှင့် ရပ်ကွက်ဈေးတန်းများတွင် ရောင်းချလျက်ရှိကြောင်း စောင်းလျှားသီးသည် ကျန်းမာရေး အထောက် အကူဖြစ်စေပြီး ကျောက်ကပ်ရောဂါသည်များ၊ သွေးတိုးရောဂါသည်များ၊ ဝိုင်ဖောက်သောက်လျှင်လည် ကောင်းမွန်စေသည့်အတွက် ရောင်းအားကောင်းလျက်ရှိကြောင်းသိရသည်။
DOCA (စစ်ကိုင်း)