ကြက်ဟင်းခါးသီးသည် အခါးဓါတ်ကိုပေးသော ဟင်းလျာအသီးတစ်မျိုးဖြစ်သည်။ ကြက်ဟင်း ခါးသီးကိုပြုတ်တို့၍ဖြစ်စေ၊ ကြော်ချက်၍ဖြစ်စေ စားသုံးကြပါသည်။ ကြက်ဟင်းခါးသီး၏ အခါးဓါတ်ကိုလျော့ချလိုပါက ဆားနှင့်နယ်၍ချက်ပြုတ်စားရပြီး ကြက်ဟင်းခါးသီးနှင့် မတည့်သော အစားအစာများမှာ မှိုနှင့်ကြက်သားတို့ဖြစ်ပါသည်။ အကြောတက်၍ အော့အန်တက်သည်ဟု လေ့လာသိရှိရသည်။ ကြက်ဟင်းခါးသီးစားသုံးပေးခြင်းဖြင့် သွေးလည်ပတ်မှုကို ကောင်းစေ ပြီးဝမ်းချုပ်ခြင်း၊ ဆီးချိူ၊ သွေးချိူနှင့် ကင်ဆာရောဂါတို့ကို ကာကွယ်ပေးနိုင်သည်ဟုသိရှိရသည်။ ကြက်ဟင်းခါးသီးတွင် အမျှင်ဓါတ်များစွာပါဝင်သောကြောင့် အစာချေစနစ်ကို ကောင်းမွန်စေပါ သည်။ ဈေးကွက်အတွင်း၌ ဗမာကြက်ဟင်းခါးသီး၊ တောကြက်ဟင်းခါးသီး၊ ထိုင်ဝမ်ကြက်ဟင်း ခါးသီးဟူ၍ မျိုးစုံရောင်းချလျက်ရှိသည်။ ယခုမိုးရာသီကာလတွင် တောကြက်ဟင်းခါးသီးများ ဖြိုင်ဖြိုင်ထွက်ပေါ်လျက်ရှိပါသည်။ ဗမာကြက်ဟင်းခါးသီး (၂၅)ကျပ်သားလျှင် (၁၂၀၀)ကျပ်၊ တောကြက်ဟင်းခါးသီး(၂၅)ကျပ်သားလျှင်(၁၀၀၀)ကျပ်၊ ထိုင်ဝမ်ကြက်ဟင်းခါးသီး (၂၅)ကျပ်သား လျှင်(၁၃၀၀)ကျပ်ဖြင့် ရောင်းချလျက်ရှိကြောင်း မန္တလေးမြို့တွင်း ထနောင်းပင်ဈေးရှိ ကုန်စိမ်း အရောင်းဆိုင် မှသိရှိရသည်။
DOCA(မန္တလေး)