နတ်တလင်းခရိုင်၊ နတ်တလင်းမြိုနယ် ကျေးရွာများအတွင်းရှိ တောင်သူများအနေဖြင့် လယ်ယာလုပ်ငန်းများအပြင် ရာသီပေါ်ဟင်းသီး၊ ဟင်းရွက် သီးနှံများကိုလည်း စဉ်ဆက်မပြတ် စိုက်ပျိုး ထုတ်လုပ်ရောင်းချလျက်ရှိရာ အပိုဝင်ငွေများရရှိနေကြောင်း သိရပါသည်။
နတ်တလင်းမြို့နယ် ကုန်စိမ်းဒိုင်များတွင် ဖြစ်ပေါ်နေသော ဈေးနှုန်းများမှာ ယခုဩဂုတ်လ ဒုတိယပတ်တွင် ပဲတောင့်ရှည် တစ်တောင့်လျှင် (၂၂)ကျပ်၊ ခရမ်းကြွပ်သီး တစ်လုံး (၁၈)ကျပ်၊ ကျောက်ဖရုံသီး တစ်လုံး (၂၀၀၀)ကျပ်၊ မော်ဒယ် ခရမ်းသီး တစ်ပိဿာ (၈၀၀)ကျပ်၊ ကြက်ဟင်းခါးသီးအလုံး(သေး) တစ်ပိဿာ (၅၀၀)ကျပ်၊ အရွယ်အစားကိုလိုက်၍ ရုံးပတီသီး တစ်တောင့် (၇ကျပ်မှ-၁၃ကျပ်)၊ ကြောင်လျာသီး တစ်တောင့် (၄၀၀ကျပ်မှ ရ၀၀ကျပ်)၊ သံပုရာသီး တစ်လုံး (၁၄ကျပ်မှ ၁၈ကျပ်)နှုန်းဖြင့် ဝယ်ယူပြီး ဒေသတွင်း၊ ပြည်မြို့နှင့် ရန်ကုန်မြို့များသို့ တင်ပို့ရောင်းချနေကြောင်း သိရပြီး တစ်ရက်လျှင် သီးနှံထွက်ရှိမှုပေါ် မှုတည်၍ ပီနံအိတ်ကျဲ အကြီး အလုံးရေ (၂၀မှ ၄၀)အထိ တင်ပို့ရကြောင်း “မငယ်”ကုန်စိမ်းဒိုင်မှ သိရှိရပါသည်။