ပဲခူးတိုင်းဒေသကြီး၊ သာယာဝတီခရိုင် မင်းလှမြို့နယ်အတွင်းရှိ ရောင်းချနေသော ဟင်းသီး ဟင်းရွက်များမှာ မင်းလှမြို့နယ်ပတ်ဝန်းကျင်ရှိ ကျေးရွာများမှဝင်ရောက်သည့်အပြင် ပုတီးကုန်း ၊ သဲကုန်း၊ ပေါင်းတည် စသည့်မြို့နယ်များမှလည်း ဝင်ရောက်ရောင်းချနေကြောင်း သိရှိရ ပါသည်။
ထိုသို့ဝင်ရောက်ရာတွင် ဩဂုတ်လတွင် ခရမ်းချဉ်သီး ထိုင်ဝမ် ၁ပိဿာ ၄၀၀၀/၅၀၀၀ ကျပ်၊ ဂေါ်ဖီထုပ် ၁ထုပ်လျှင် ၁၅၀၀ မှ ၂၀၀၀ ကျပ်၊ ပန်းဂေါ်ဖီ ၁ထုပ် ၃၀၀၀ ကျပ်၊ အာလူး ၁ပိဿာ ၅၀၀၀ မှ ၆၀၀၀ ကျပ်၊ ရွှေဖရုံသီး ၁စိပ်လျှင် ၅၀၀ ကျပ်၊ ဗူးသီး ၁လုံးလျှင် ၂၅၀၀ မှ ၃၀၀၀ ကျပ်၊ ငရုတ်ပွ ၁ပိဿာ ၁၃၀၀၀ ကျပ်၊ ချဉ်ပေါင်ရွက် ၁စည်းလျှင် ၂၀၀ ကျပ်၊ ပဲသီး ၁၀တောင့် ၁စည်းလျှင် ၅၀၀ ကျပ်၊ ကန်စွန်းရွက် ၁စည်းလျှင် ၂၀၀ မှ ၂၅၀ ကျပ်၊ ခရမ်းရှည်သီး ၁လုံးလျှင် ၄၀၀ မှ ၅၀၀ ကျပ်၊ဆလပ်ရွက် ၁စည်းလျှင် ၅၀၀ မှ၇၀၀ ကျပ်၊သံပုရာသီး ၁လုံးလျှင် ၅၀ မှ ၁၀၀ ကျပ်၊ ငရုတ်သီးစိမ်း ၁ပိဿာလျှင် ၁၂၀၀၀ကျပ်၊ ရုံပတီသီး ၁စည်းလျှင် ၂၀၀ ကျပ်၊ ဂေါ်ရခါးသီး တစ်လုံးလျှင် ၇၀၀ ကျပ်၊ ကျောက်ဖရုံသီး တစ်စိပ်လျှင် ၅၀၀ ကျပ်၊ ခဝဲသီးတတောင့်လျှင် ၇၀၀ ကျပ်၊ပြောင်းဖူး တစ်ဖူးလျှင် ၇၀၀ ကျပ်ဖြင့် အရောင်း အဝယ်ဖြစ်လျက်ရှိကြောင်း သိရှိရပါသည်။ ပုတီး ကုန်း၊ သဲကုန်း၊ အေးမြ သာယာမှပြောင်း ဖူးနှင့် ဗူးသီးများ အများဆုံးဝင်ရောက်ပြီး တစ်နေ့လျှင် ပြောင်းဖူး ၃၀ဖူး အိတ် ၂၅ခန့်၊ဗူးသီး ၁၀လုံး အိတ် ၁၅အိတ်ခန့်၊ ခရမ်းချဉ်သီး ၁၀ပိဿာ ဝင်းခြင်း ၁၅ခြင်းခန့် ဝင်ရောက်ကြောင်း ဟင်းသီးဟင်းရွက် ရောင်းချနေသော ကုန်သည်များထံမှ သိရှိ ရပါသည်။
DOCA(ပဲခူး)