စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် မြန်မာ့ရိုးရာ ရက်ကန်းလုပ်ငန်း များကို တစ်နိုင်တစ်ပိုင် လုပ်ကိုင်ကြကြောင်း၊ ရက်ကန်းစင်မှ ထွက်ရှိလာသော အထည်များကို ကန့်ဘလူမြို့ပေါ်ရှိဒိုင်များသို့ ရောင်းချကြောင်း၊ ၎င်းတို့မှတဆင့် မန္တလေးမြို့နှင့် အခြားဒေသများသို့ ရောင်းချကြောင်း သိရသည်။
မြန်မာ့ရိုးရာရက်ကန်းလုပ်ငန်းသည် ရှေးယခင်ကတည်းက လက်ဆင့်ကမ်း ထိန်းသိမ်းလာခဲ့ ကြသည့် လက်မှုအတတ်ပညာဖြစ်ပြီး ရက်ကန်းထည်များမှာ ဒီဇိုင်ဆန်းသစ်လှပသောကြောင့် မြန်မာ အမျိုးသမီးများ ကြိုက်နှစ်သက်စွာ ဝတ်ဆင်သုံးစွဲလျက်ရှိကြောင်း၊ ကန့်ဘလူမြို့တွင်ရောင်းချလျက် ရှိသည့် မြစ်ကြီးနားထွက် ကချင်လုံချည်ဝမ်းဆက် တစ်စုံစာလျှင် (၁၅၀၀၀၀မှ ၃၀၀၀၀၀)ကျပ်၊ ကန့်ဘလူဒေသထွက်လုံချည်(၁)ထည်လျှင် (၄၈၀၀၀)ကျပ်၊ ကချင်ပုဆိုး(၂/၁၀၀)ချည် (၁)ထည်လျှင် (၃၈၀၀၀)ကျပ်၊ (၂/၈၀)ချည်(၁)ကွင်းလျှင် (၃၀၀၀၀)ကျပ်နှင့် ကချင်လုံချည်တဘက်စပါ(၁)ထည် လျှင် (၁၈၀၀၀၀မှ ၁၉၀၀၀၀)ကျပ်တို့ဖြင့် ရောင်းချလျက်ရှိပြီး ချည်အမျိုးအစားနှင့် ရက်လုပ်ရသည့် အလွှားအရေအတွက် ပေါ်မူတည်၍ ဈေးနှုန်းများကွာခြားမှုရှိကြောင်း မြန်မာ့ရိုးရာ ရက်ကန်းထည် ရောင်းချသည့်လုပ်ငန်းရှင်ထံမှ သိရသည်။
DOCA (စစ်ကိုင်း)