မွန်ပြည်နယ်၊ ချောင်းဆုံမြို့နယ်အတွင်းရှိ ဒေသခံပြည်သူလူထုများသည် စိုက်ပျိုးရေး လုပ်ငန်းကို အဓိကလုပ်ကိုင်လျက်ရှိရာ စားဖိုဆောင်သီးနှံဖြစ်သည့် ပိန်းဥ၊ ခဝဲသီး၊ ပဲတောင့်ရှည်၊ ချဉ်ပေါင်ရွက်၊ ကန်စွန်ရွက်၊ ရုံးပတီသီး၊ သခွားသီးများ စိုက်ပျိုးလျက်ရှိသည့်အနက် ဒေသထွက် ပိန်းဥနှင့် ခဝဲသီးများကို တစ်ပိုင်တစ်နိုင် စိုက်ပျိုးလျက်ရှိကြောင်း သိရသည်။
ချောင်းဆုံမြို့နယ်၊ မြို့မဈေးအတွင်း ရောင်းချနေသည့် ပိန်းဥ နှင့် ခဝဲသီးများကို မြို့နယ်အတွင်းရှိ ကျေးရွာများမှ လာရောက်ရောင်းချကြောင်း သိရသည်။ ယခု ဩဂုတ်လ ဒုတိယပတ်တွင် ဒေသထွက် ပိန်းဥဈေးနှုန်းမှာ တစ်ပိဿာလျှင် (၁၀၀၀၀) ကျပ်၊ ခဝဲသီးတစ်တောင့်လျှင် (၁၀၀၀) ကျပ်ဖြင့် ရောင်းချလျက်ရှိကြောင်း သိရသည်။
DOCA (မွန်)