ငှက်ပျောကို မုံရွာမြို့ဒေသဝန်းကျင်ရှိ ကနီ၊ ဘုတလင်၊ အရာတော်မြို့နယ်များမှ အဓိကစိုက်ပျိုးကြကြောင်း သိရှိရပါသည်။ ငှက်ပျောများစွာရှိသည့်အနက် ဈေးကွက်ဝယ်လိုအား ရှိသည့် ဖီးကြမ်းနှင့် သီးမွှေးငှက်ပျောမျိုး များကို အဓိကစိုက်ပျိုးကြပြီး မုံရွာ၊ မန္တလေး ဈေးကွက် သို့ တင်ပို့ကြောင်းသိရှိရပါသည်။လက်ရှိ မုံရွာငှက်ပျော ဈေးကွက်၌ ငှက်ပျောဖီးကြမ်းတစ်ဖီးလျှင် အရွယ်အစားပေါ်မူတည်၍ ( ၁၅၀၀ )ကျပ်မှ ( ၃၀၀၀ )ကျပ်ဖြင့် လည်းကောင်း ၊ သီးမွှေး တစ်ဖီးလျှင် ( ၁၀၀၀ )ကျပ်မှ ( ၂၅၀၀ )ကျပ်ဖြင့်လည်းကောင်း၊ ငှက်ပျောခြောက် တစ်ပိဿာလျှင် ကျပ်( ၈၀၀၀ )ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။ ယခုလအတွင်း မုံရွာငှက်ပျောဈေးကွက် အတွင်း ငှက်ပျောအဝင်များသကဲ့သို့ ယခင်လကထက် အရောင်းအဝယ် သွက်လျက်ရှိကြောင်း လေ့လာသိရှိရပါသည်။
DOCA(စစ်ကိုင်း)