စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့နယ်သည် လယ်ယာစိုက်ပျိုးရေး လုပ်ငန်းကို လုပ်ကိုင်ကြပြီး စပါးကို အဓိကထားစိုက်ပျိုးကြသည်။ နွေစပါး၊ နွေနှမ်းများကို ဖေဖော်ဝါရီ၊ မတ်လများတွင်စိုက်ပျိုးကြပြီးနွေနှမ်းအများဆုံးစိုက်ပျိုးကြကြောင်း၊ ဝက်လက်မြို့နယ် အတွင်းရှိ ကျေးရွာတစ်ရွာမှာ နွေနှမ်းစိုက်ဧက(၅၀၀)ခန့်ရှိကြောင်း၊နွေနှမ်းတွင် နှမ်းနက် အများဆုံး စိုက်ပျိုးကြကြောင်း၊ နွေနှမ်းကို ရေဖျန်းစိုက်ပျိုးကြပြီး မျိုး၊သွင်းအားစု၊လုပ်သားခအပါအဝင် (၁)ဧက ကျပ်(၂၀)သိန်းခန့်ကုန်ကျကြောင်း၊ စိုက်ပျိုးပြီး ချိန်မှ ရက်(၉၀)တွင် ရိတ်သိမ်းနိုင်ကြောင်း၊ ဂရုစိုက်ပြုစုမှုအပေါ် မူတည်၍ အထွက်နှုန်းမှာ (၁)ဧက လျှင် (၆)တင်းမှ (၂၀)တင်းအထိ ထွက်ရှိ ကြောင်း၊ဈေးကွက်အနေဖြင့် နှမ်းပွဲစားများက တောင်သူ လက်ဝယ်အရောက် လာရောက် ဝယ်ယူ ကြ၍ နှမ်းနက်(၁)တင်းလျှင် ကျပ် (၂၃၅၀၀၀/- မှ ၂၉၀၀၀၀/-) အထိ နှမ်းအရည်အသွေး၊ ထွက်ရှိ သည့်အချိန်ကာလအလိုက်ဈေးနှုန်းကွာခြားလျှက်ရှိကြောင်း၊အထွက်နှုန်းကောင်းသော တောင်သူ များ အနေဖြင့် အကျိုးအမြတ်များပိုမိုရရှိကြောင်း နှမ်းစိုက်တောင်သူ တစ်ဦးထံမှသိရှိရသည်။
DOCA(မန္တလေး)