ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်း အခြေခံစား သောက်ကုန်ပစ္စည်းများ၏ ဈေးနှုန်းပြောင်းလဲမှု အခြေအနေအား ဩဂုတ်လ(၁၂)ရက်နေ့၊ နံနက် (၀၉:၃၀)နာရီအချိန်တွင် မြို့နယ်စည်ပင်သာယာမြို့မဈေးအတွင်း/အပြင်ရှိ အခြေခံစားသောက် ကုန်ပစ္စည်းအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်တို့ပူးပေါင်း၍ စား သုံးသူပြည်သူများ နေ့စဉ်ဝယ်ယူစားသောက်လျက်ရှိသော စည်ပင်သာယာမြို့မဈေးအတွင်း/ အပြင်ရှိ အခြေခံစားသောက်ကုန်ပစ္စည်းအရောင်းဆိုင်များဖြစ်သော မိဘရိတ်၊ ဒေါ်လုံးလုံး၊ ဒေါ်မူ၊ ဦးချမ်းသာဆန်အရောင်းဆိုင်၊ ဒေါ်ကြည်အောင်၊ ဒေါ်ချောစုလှိုင်၊ ဒေါ်ချိုချိုမြင့်၊ ဦးသန့်ဇင်ဝင်း ကုန်ခြောက်အရောင်းဆိုင်များ၊ ဒေါ်နိုင်နိုင်မော်၊ ဒေါ်ပေါက်ကြက်သား၊ ဘဲသားအရောင်းဆိုင်၊ ဦးခင်မောင်ဝင်း ဝက်သားဆိုင်၊ ဦးကုလားအမဲသားဆိုင်၊ ဦးဇော်ကြီးဆိတ်သားဆိုင်၊ ဒေါ်ချိုချိုဝင်း၊ ဒေါ်ဌေးကြည်၊ ဒေါ်မိုးကြည် ရေချိုရေငံ ငါး၊ ပုဇွန်အရောင်းဆိုင်၊ ဒေါ်ချို၊ ဒေါ်စုကြည် ကြက်ဥ၊ ဘဲဥလက်လီလက်ကား အရောင်းဆိုင်၊ ဒေါ်သန်းသန်းစိုး ငါးပိ၊ ငါးခြောက် အရောင်းဆိုင်နှင့် ဦးဖိုးထောင်၊ ဦးကျောက်ခဲ၊ ဒေါ်စိန်မမ အသီး၊ အရွက် ကုန်စိမ်းအရောင်းဆိုင်တို့တွင် ဩဂုတ်လ အစနှင့် ဩဂုတ်လလယ်ပိုင်းတွင် ဖြစ်ပေါ်နေသည့် အခြေခံစားသောက်ကုန်ဈေးနှုန်းများမှာ သိသိ သာသာ ပြောင်းလဲမှုမရှိသော်လည်း စားအုန်းဆီဈေးနှုန်းမှာ အနည်းငယ်မြင့်တက်လာသည်ကို မြေပြင်ကွင်းဆင်း စစ်ဆေးတွေ့ရှိခဲ့ကြောင်း သိရှိရပါသည်။
DOCA (ရန်ကုန်)