“ ကော့မှူးမြို့နယ်၌သွေးလွန်တုပ်ကွေးရောဂါကာကွယ်ရေးအဘိတ်ဆေးခတ်ခြင်း ဆောင်ရွက် ”

      ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စီမံခန့်ခွဲရေးနှင့်အုပ်ချုပ်ရေး ကော်မတီ၏ ကြီးကြပ်မှုဖြင့် မိုးရာသီတွင် အဖြစ်များသော သွေးလွန်တုပ်ကွေးရောဂါကာကွယ် ရေး အဘိတ်ဆေးခတ်ခြင်းကို ဩဂုတ်လ(၁၁)ရက်နေ့၊ နံနက်(၁၀:၀၀)နာရီအချိန်တွင် အဖျောက် ကျေးရွာရှိ နေအိမ်များနှင့် ရေတွင်းရေကန်များ၌ ဆောင်ရွက်ခဲ့ကြောင်း သိရသည်။

     ထိုသို့ ဆောင်ရွက်ခဲ့ရာတွင် အဘိတ်ဆေးခတ်ခြင်း၊ ခြင်စိုဟောင်းနိုင်သည့် သောက်ရေအိုး များ၊ ဘုရားပန်းအိုးနှင့် ကားတာယာအဟောင်းများ၊ အိုးခွက်များတွင် ဖုံး၊ သွန်၊ လဲ၊ စစ် လုပ်ငန်း များ ဆောင်ရွက်ရန်၊ နေအိမ်ခြံဝန်းများ၌ ချိုင့်ခွက်များရှိပါက မိုးရာသီတွင် ရေဝပ်ရေဟောင်းအား ခြင်ခိုအောင်းနိုင်သဖြင့် မြေဖိုခြင်းများ ဆောင်ရွက်ရန်နှင့် နောက်ဆက်တွဲရောဂါများ မဖြစ်စေရန် အဘိတ်ဆေးခတ်ခြင်းနှင့် ကျန်းမာရေး အသိပညာပေးခြင်းများကို ကျန်းမာရေးဝန်ထမ်းများက ဆောင်ရွက်ပေးလျက်ရှိကြောင်း၊ အဆိုပါ အဘိတ်ဆေးခတ်ခြင်းကို မြို့နယ်အထွေထွေအုပ်ချုပ် ရေးဦးစီးဌာန၊ မြို့နယ်ကျန်းမာရေးဦးစီးဌာန၊ အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်ရေးအသင်းများ ပူးပေါင်းပြီး တစ်အိမ်တက်ဆင်း ဆောင်ရွက်ခဲ့ကြောင်း သိရှိရပါ သည်။

DOCA (ရန်ကုန်)