၁၁-၈-၂၀၂၅ ရက်နေ့ နံနက် ၁၁၀၀ အချိန်က ဓနုဖြူမြို့နယ် စိုက်တိုးမြှင့်အဖွဲဖြင့် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ဓနုဖြူကျေးရွာများမှ စပါးစိုက်ပျိုးနေသော တောင်သူများနှင့် တွေ့ဆုံ၍ MyRo မှတ်ပုံတင်ခြင်း ဆိုင်ရာကိစ္စရပ်နှင့် စပ်လျဉ်း၍ အသိပညာပေး ဟောပေါခဲ့ကြောင်းသိရသည်။
ဟောပြောရာတွင် မြို့နယ်ဦးစီးမှူး ဦးဝင်းမင်းစိုးက တောင်သူများအား MyRo မှတ်ပုံတင်ခြင်းနှင့် စပ်လျဉ်း၍ ပြည်တွင်း ဆန်စပါးဖူလုံရေး၊ ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါးဈေးကွက်နှင့် ဈေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေများကို စနစ်တကျစာရင်းပြုစု မှတ်ပုံတင်ထားနိုင်ရေး၊ သိုလှောင်ရုံကုန်အပ်လက်မှတ်ကို အခြေပြုသည့် ငွေကြေးထောက်ပံ့မှုစနစ်ကို ဖော်ဆောင် နိုင်ရေးတို့အတွက် ပြည်တွင်း၌ လုပ်ကိုင်ဆောင်ရွက်လျက်ရှိသည့် ဆန်စပါးသိုလှောင်ရုံ လုပ်ငန်းများအနေဖြင့် Online Registration စနစ်ဖြင့် Myanmar Rice Online (MyRo) - www.myro. com.mm တွင် ၂၀၂၃ ခုနှစ်၊ နိုဝင်ဘာလ ၃ ရက်နေ့မှစတင်၍ မှတ်ပုံတင်ဆောင်ရွက်ရမည်ဖြစ်ကြောင်း အသိပေးကြေညာခဲ့ပြီးဖြစ်ကြောင်း၊ စီးပွားရေး လုပ်ငန်းအလို့ငှာ ဆန်တန်ချိန် ၅၀ သို့မဟုတ် စပါးတင်း ၅,၀၀၀ နှင့်အထက် သိုလှောင်သည့် ဆန်စပါးသိုလှောင်ရုံပိုင်ဆိုင်သူများအနေဖြင့် မိမိတို့၏ သိုလှောင်ရုံများကို Myanmar Rice Online (MyRo) - www.myro.com.mm တွင် မဖြစ်မနေ မှတ်ပုံတင်ဆောင်ရွက်ပေးကြပါရန် အသိပညာပေး ဆောင်ရွက်ခဲ့ပြီး မအူပင်ခရိုင် အနေဖြင့် ဆန်/စပါး သိုလှောင်ရုံများ မှတ်ပုံတင်ဆောင်ရွက်ခဲ့ကြပြီးဖြစ်သည်။ မှတ်ပုံတင်သိုလှောင်ကြသူများသည် သိုလှောင်မှု အမာဏထက် များပါက သိုလှောင်ခွင့်မရှိကြောင်းနှင့် ပိုမိုသိုလှောင်ပါက အရေးယူခံရမည် ဟူသော ကောလဟာလများမှ မဟုတ်မမှန်ကြောင်း တောင်သူများသိရှိနိုင်ရန် ဆွေးနွေးခဲ့ပြီး တောင်သူများက သိရှိလိုသည်များ မေးမြန်းမှုကို ပြန်လည် ဖြေကြား ဆွေးနွေးပေးခဲ့ကြောင်း နှင့် လယ်ယာမြေ ဥပဒေအကြောင်း ရှင်းလင်း ဆွေးနွေးခဲ့ကြောင်း သိရသည်။
DOCA(ဧရာဝတီ)