မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ ဩဂုတ်လ(ဒုတိယပတ်)တွင် မြို့ပတ်ဝန်းကျင်ရှိ ပန်းတော်ပြင်နှင့်ဥယျာဉ်ကျေးရွာမှ ထွက်ရှိသည့်ဗုံလုံသီး(ခေါ်)ပဲလင်းမြွေ သီးများ ဝင်ရောက်အရောင်းအဝယ်ဖြစ်လျက်ရှိကြောင်း သိရသည်။
အထက်မင်းလှမြို့နယ်အတွင်း၌ ဗုံလုံသီးကို စိုက်ခင်းများအဖြစ် စိုက်ပျိုးမှုမရှိသော်လည်း တစ်နိုင် တစ်ပိုင်စိုက်ခင်းများအဖြစ်သာ စိုက်ပျိုးကြကြောင်း သိရသည်။ ၂၀၂၅ခုနှစ်၊ ဩဂုတ်လ (ဒုတိယပတ်)တွင် ဗုံလုံသီး(၁)တောင့်လျှင် ကျပ်(၇၀၀-၁၀၀၀)ဖြင့် အရောင်းအဝယ်ဖြစ်လျက်ရှိကြောင်း၊ ယခုတစ်ပတ် မှစတင်၍ ဈေးအတွင်းသို့ဝင်ရောက်လာပြီး ပေါ်ဦးပေါ်ဖျားဖြစ်သည့်အတွက် ဈေးကောင်းရပြီး အရောင်း အဝယ်မှာ သွက်လျက်ရှိကြောင်း သိရသည်။ ဗုံလုံသီးသည် လူခန္ဓာကိုယ်ကျန်းမာရေးအတွက် ကောင်းကျိုးများသည့်သီးနှံဖြစ်သည်။ ဆီးချိုရောဂါနှင့်နှလုံးရောဂါကို ကာကွယ်ပေးသည့်အပြင် အမျှင်ဓါတ်များ စွာပါဝင်သည့်အတွက် အစာခြေစနစ်ကိုကောင်းမွန်စေပြီး ဝမ်းမှန်စေကြောင်း၊ ကယ်လ်ဆီယမ်ပါဝင်မှု ကြောင့် အရိုးနှင့်သွားများကို ကြံခိုင်စေကြောင်းလည်း သိရှိရပါသည်။
DOCA(မကွေး)