ဧရာဝတီတိုင်းဒေသကြီး၊ မအူပင်မြို့နယ်၌ ကျောင်းသား၊ ကျောင်းသူများ အသိပညာ ဗဟုသုတပြည့်ဝစေရန်နှင့် စားသုံးသူကာကွယ်ရေးအသိပညာပေးခြင်းကို ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် စားသုံးသူရေး ရာဦးစီးဌာနတို့ ဦးဆောင်၍ လူငယ်ရေးရာ အသိပညာပေး ဟောပြောပွဲကို ချောင်းကြီး အထက်တန်းကျောင်း၌ (၇-၈-၂၀၂၅) နံနက်ပိုင်းက ကျင်းပခဲ့သည်။
ဟောပြောရာတွင် ညောင်တုန်းမြို့နယ်ဦးစီးမှူး ဦးအောင်လွင်က စားသုံးသူများ၏ အခွင့်အရေး ၈ ချက်၊ စားသုံးသူ များလိုက်နာရမည့် တာ၀န် ၀တ္တရား ၄ ချက် နှင့် စားသုံးသူများ အနေဖြင့် အခက်အခဲ ရင်ဆိုင်ရပါက တိုင်ကြား ဆက်သွယ်နိုင်မည့် နည်းလမ်းများ စသည့် အကြောင်းအရာများကိုလည်းကောင်း၊ မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာန မြို့နယ်ဦးစီးအရာရှိ က ကျောင်းသား/သူများအနေဖြင့် မိမိတို့၏ဘ၀တွင် ရည်မှန်းချက် ရည်ရွယ်ချက်များ ကောင်းမွန်စွာ ထားရှိကြရန်၊ အသိပညာ အတတ်ပညာများကို စဉ်ဆက်မပြတ် လေ့လာသင်ယူကြစေရန် အသိပညာ များ ဖွံ့ဖြိုးတိုး တက်ရေး အတွက် စာအုပ်စာစောင်များကို လေ့လာဖတ်ရှု၍ အမှားအမှန်ကိုဝေဖန် ပိုင်ခြားတတ်သော လူငယ်လေးများ ဖြစ်လာစေရန် စသည့် အကြောင်းအရာများကို ရှင်းလင်းဟောပြောခဲ့ကြသည်။
DOCA(ဧရာဝတီ)