သာစည်မြို့၊ ပန်းဈေးကွက်တွင် ပန်းဈေးမှာ တည်ငြိမ်လျက်ရှိပြီး မိုးရေသောက်ရ၍ ပန်းများမှာ ပိုမိုလှပ၍ရောင်းပန်းလှကြောင်း သိရပါသည်။ ဈေးကွက်အတွင်းသို့ ရှမ်းပြည်နယ် တောင်ကြီး၊ ကလော အောင်ပန်းစသည်တို့မှ ဂန္ဓာမာပန်းများ၊ နှင်းဆီရောင်စုံ၊ မိသားစုနှင်းဆီ၊ အင်ကြင်းနီဂန္ဓမာ၊ ဂန္ဓမာမြနှင်းဝါ၊ ဂန္ဓမာမြနှင်းဖြူ၊ဂန္ဓမာဖြူ၊ဝါပန်းများဝင်ရောက်လျက်ရှိပြီး ကျောက်ဆည်မြို့မှ ထွက်ရှိသော သပြေငုတ် အကြီး ၊ အသေးများလည်း ရောင်းချလျက် ရှိကြောင်းသိရှိရပါသည်။
အိတ်စွပ်နှင်းဆီရောင်စုံမှာ (၁၀)ပွင့်စည်း (၁)စည်းလျှင် (၃၅၀၀)ကျပ်၊ နှင်းဆီပန်း အနီရောင် (၁၀)ပွင့်စည်း (၁)စည်းလျှင် (၄၀၀၀)ကျပ်၊ မိသားစုနှင်းဆီ (၇)ခတ်ပါ တစ်စည်းလျှင် ၄၀၀၀ကျပ်၊ ဂန္ဓမာပွင့် အဖြူ၊ အဝါတို့မှာ (၁၀)ပွင့်စည်း တစ်စီးလျှင် (၅၀၀၀)ကျပ်၊ ဂန္ဓမာမြနှင်းဝါ၊ မြနှင်းဖြူတို့မှာ (၁၀)စည်းတစ်စီးလျှင်(၂၀၀၀-၂၅၀၀)ကျပ်၊ပန်းထိမ်ငိုပန်း တစ်စည်းလျှင်ရှယ်စ(၃၀၀၀)ကျပ်၊ ပန်းထိမ်ငို ပန်းလတ်စတစ်စည်းလျှင် (၂၀၀၀)ကျပ်၊သစ္စာပန်း(၁)စည်းလျှင်(၅၀၀၀)ကျပ်နှင့် သပြေငုတ်ကြီး တစ်ငုတ်လျှင်(၁၀၀၀-၁၂၀၀)ကျပ်နှုန်းဖြင့်အရောင်းသွက်လျက်ရှိပြီးယခင်လ နှင့်ကာလတူနှိုင်းယှဉ်လျှင် ပန်းဈေးနှုန်းမှာတည်ငြိမ်လျှက်ရှိပါသည်။
DOCA (မန္တလေး)