စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဦးအုန်းမြင့် (ဦးစီးမှူး) ဦးဆောင်သောဝန်ထမ်းများသည် (၇.၈.၂၀၂၅)ရက်နေ့၊ နံနက်(၁၀း၀၀)နာရီအချိန်တွင် သရက်မြို့၊ ဇော်ဂျီရပ်ကွက်ရှိ ''ဝင်းကမ္ဘာ'' အမှတ်တံဆိပ်ဖြင့် ထုတ်လုပ်ရောင်းချနေသော ပဲကြော် လုပ်ငန်းအလုပ်ရုံသို့ သွားရောက်၍ ထုတ်လုပ်နေသည့်ပဲကြော်တွင် ကုန်အညွှန်းအမှတ်အသား ပြည့်စုံစွာဖော်ပြစေရေး အသိပညာပေးဆွေးနွေးခဲ့ကြောင်း သိရသည်။
ထုတ်လုပ်နေသည့် ပဲကြော်တွင် စားသုံးသူကာကွယ်ရေးဥပဒေ(၂၀၁၉)၊ အခန်း(၁၈) ပုဒ်မ (၄၁)အရ ဖော်ပြပါရှိရမည့်အချက်များနှင့် ပြည့်စုံမှုရှိကြောင်းစစ်ဆေးတွေ့ရှိရပြီး လုပ်ငန်း ရှင် အား ကုန်အညွှန်းအမှတ်အသား မပြည့်စုံသည့်ကုန်စည်များ ထုတ်လုပ်ရောင်းချခြင်းဖြင့် ဖြစ်ပေါ်စေ နိုင်သည့် ဆိုးကျိုးများ၊ စီးပွားရေးလုပ်ငန်းရှင်၏ တာဝန်များ အကြောင်း၊ စီးပွားရေးလုပ်ငန်းရှင်တို့၏ ပြစ်မှုပြစ်ဒဏ်များအကြောင်းအား အသေးစိတ်ရှင်းလင်းအသိပညာပေးဆွေးနွေးခဲ့ကြောင်း သိရသည်။
DOCA(မကွေး)