စစ်ကိုင်းတိုင်းဒေသကြီး၊ မုံရွာမြို့အတွင်းရှိ ကျေးရွာများနှင့် ရပ်ကွက်များတွင် ရာသီ ပေါ်သီးနှံဖြစ်သည့် ရှောက်သီးများကို မိသားစုတစ်နိုင်တစ်ပိုင်အဖြစ် စိုက်ပျိုးလျက်ရှိကြောင်း သိရှိရပါသည်။ စိုက်ပျိုးထွက်ရှိသော ရှောက်သီးများကို မြို့ပေါ်သို့ လာရောက် ရောင်းချကြပြီး အရောင်းသွက်လျက်ရှိကြောင်း သိရှိရပါသည်။ ဒေသထွက်သီးနှံဖြစ်သည့် ရှောက်သီးများ အား ရှောက်ပေါင်းချိုပြုလုပ်ပြီး တခြားမြို့နယ်များသို့လည်း တင်ပို့ရောင်းချလျက်ရှိကြောင်း သိရှိရပါသည်။
၂၀၂၅ ခုနှစ်၊ ဩဂုတ်လပထမပတွင် မုံရွာမြို့ပေါ်ရှိ သံလမ်းဈေးနှင့် ဈေးဟောင်တို့တွင် ဖြစ်ပေါ်နေသော ရှောက်သီးဈေးနှုန်းများမှာ ရှောက်သီး အလုံးသေးတစ်လုံးလျှင် ၃၅၀ ကျပ်၊ အလုံးကြီး တစ်လုံးလျှင် (၅၀၀) ကျပ် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA (စစ်ကိုင်း)