စားသုံးသူရေးရာဦးစီးဌာန၊ ကျန်းမာရေးဦးစီးဌာန၊ ပညာရေးဦးစီးဌာနတို့ ပူးပေါင်း၍ ၄-၈-၂၀၂၅ ရက်နေ့ နံနက် (၀၈:၀၀) နာရီအချိန်က လေးအိမ်စုကျေးရွာ အ.ထ.က ကျောင်းရှိ ကျောင်းမုန့်ဈေးတန်း(၇)ဆိုင်မှ ရောင်းချနေသော မုန့်များအား ကျောင်းသား/ကျောင်းသူများ ဝယ်ယူစားသုံးသည့်အခါ ဘေးအန္တရာယ်ကင်းရှင်းရေး စောင့်ကြည့်စစ်ဆေးခဲ့ကြောင်း သိရသည်။
ကျောင်းမုန့်ဈေးတန်း(၇)ဆိုင်အားစစ်ဆေးမှုအားဆောင်ရွက်ခဲ့ရာ ဦးစားပေး ကုန်စည်အုပ်စု ၁၀မျိုးထဲမှ အသင့်စား မုန့်အမျိုးမျိုးတွင် ကုန်အညွှန်အမှတ်အသားဖော်ပြခြင်းနှင့် စပ်လျဉ်း၍ စစ်ဆေးခြင်း၊ သက်တမ်းလွန်မုန့်များ ရောနှောရောင်းချခြင်း ရှိ-မရှိကို စစ်ဆေးခြင်း၊ ဒေသတွင်း ထုတ်လုပ်သော မုန့်များရောင်းချပါက သက်တမ်းကုန်ရက်စွဲပါဝင်ခြင်းရှိမရှိနှင့် အသင့်စားမုန့်များတွင် FDA ဌာန၏ ထောက်ခံချက်များ၊ စားသုံးသူရေးရာဦးစီးဌာန၏ ပြဌာန်းချက်များနှင့် ညီမျှသော မုန့်များကိုသာ ရောင်းချရန် ဆိုင်ရှင်များကို ပြောကြားခဲ့ပြီး ကျောင်းမုန့်ဈေးတန်းကြီးကြပ်ရေးအဖွဲ့များကို အပတ်စဉ် စောင့်ကြည့်စစ်ဆေးနိုင်ရန်ကို မှာကြားခဲ့ကြောင်း သိရသည်။
DOCA(ဧရာဝတီ)