မြင်းခြံမြို့၊ အေးမြသီတာဈေးရှိ အသားငါးတန်းများတွင် ကြက်သား၊ ဝက်သား၊ အမဲသား၊ ငါးမျိုးစုံရောင်းချလျက်ရှိရာ ငါးကြင်းချစ်(အသား)သည်လည်းဈေးကွက်တွင် လူကြိုက်များ၍ စားသုံး မှုများသောကြောင့် အရောင်းအဝယ်သွက်လျက်ရှိကြောင်း သိရသည်။ ၂၀၂၅ခုနှစ် ဇူလိုင်လ နောက် ဆုံးပတ်တွင် ငါးကြင်းချစ် ၂၅ ကျပ်သားလျှင် (၇၀၀၀)ကျပ်၊ တစ်ပိဿာလျှင် (၂၆၅၀၀) ကျပ်ပေါက်ဈေးများရှိကြောင်း၊
ယခင်လ ဇွန်နောက်ဆုံးပတ်တွင် ငါးကြင်းခြစ်အသား (၂၅)ကျပ်သားလျှင်(၇၅၀၀)ကျပ်၊ တစ်ပိဿာလျှင်(၂၉၀၀၀)ကျပ် ပေါက်ဈေးများ ဖြင့် အရောင်းအဝယ်ဖြစ်လျက်ရှိကြောင်း၊ ကာလ တူနှိုင်းယှဉ်ပါက ယခု ဇူလိုင်နောက်ဆုံးပါတ်တွင် ငါးကြင်းချစ်တစ်ပိဿာလျှင်ထမပတ်တွင် ငါး ကြင်းခြစ် အသား (၂၅)ကျပ်သား လျှင်(၅၀၀)ကျပ်၊ တစ်ပိဿာလျှင်(၂၅၀၀)ကျပ်ခန့် ဈေးနှုန်း ကျဆင်းခဲ့ကြောင်း၊ ယခုအချိန်တွင် မြစ်ရေကျချိန်ဖြစ်သောကြောင့် ဒေသတွင်း ငါးများ ပေါများ စွာ ရရှိသောကြောင့် ဈေးနှုန်းကျဆင်းခြင်းဖြစ်ကြောင်း နေ့စဉ် ငါးကြင်းခြစ်အသား (၆-၈ပိဿာ)ခန့် ပုံမှန်ရောင်းချရကြောင်း၊ ဒေသတွင်း စားသုံးရန်နှင့် ထမင်းဆိုင်၊ စားသောက်ဆိုင်များမှ အများဆုံး ဝယ်ယူကြကြောင်း၊ ဒေသတွင်းလိုအပ်သောငါးများ ကို ရန်ကုန်မြို့ရှိကြည့်မြင်တိုင်ဈေးမှ တင်သွင်း ပြီး မြင်းခြံဈေးကွက်တွင် ဖြန့်ဖြူးရောင်းချကြောင်း၊ ငါးကြင်းခြစ်သားသည် အရိုးလွတ်သောကြောင့် လူကြိုက်များပြား၍ နေ့စဉ်အဝယ်ဖြစ်လျှက်ရှိကြောင်း ငါးရောင်းချသူ တစ်ဦး၏ ပြောပြချက်အရ သိရှိရသည်။
Doca(မန္တလေး)