ဧရာဝတီတိုင်းဒေသကြီး၏မြို့တော်ဖြစ်သော ပုသိမ်မြို့သည် ငါးနှင့် ပင်လယ်စာများ ပေါများရာဒေသ ဖြစ်ပြီး အထူးသဖြင့် မြစ်ချောင်းအင်းအိုင်များမှ ထွက်ရှိသည့်ငါးမျိုးစုံဖြင့်သည်လည်းပါသည်။ ပုသိမ်ငါးဈေးကွက်တွင် ငါးမြစ်ချင်းအဝင်များနေပြီး အရွယ်အစားအလိုက် တစ်ပိဿာလျှင်၁၂၀၀၀၀ကျပ်မှ၁၃၀၀၀၀ကျပ်ဝန်းကျင် ပေါက်ဈေးရှိနေသည်။
ပုသိမ်မြို့ရှိ ငါးဒိုင်များနှင့် လက်လီရောင်းချသူများသည် ငါးမြစ်ချင်းများကို ဒေသခံများသာမက ရန်ကုန်အပါအဝင် အခြားမြို့ကြီးများသို့ပါ တင်ပို့ရောင်းချလျက်ရှိပါသည်။ ငါးမြစ်ချင်းအပြင် ငါးကြင်း၊ ငါးဖယ်၊ငါးပြေမစသည့် ဒေသထွက်ငါးများလည်း ဈေးကွက်တွင် ရောင်းအားကောင်းနေသည်ကို တွေ့ရပါသည်။ အထူးသဖြင့် မိုးရာသီဖြစ်သည့်အတွက် ငါးဖမ်းလုပ်ငန်းများ အရှိန်အဟုန်ဖြင့် ဆောင်ရွက်လျက်ရှိရာ နောက်ရက်များတွင်လည်း ငါးများအဝင်များပြီး ဈေးနှုန်းများ ဆက်လက်တည်ငြိမ်ဖွယ်ရှိနိုင်ကြောင်းကို ငါးလုပ်ငန်းရှင် တစ်ချို့က သုံးသပ်ပြောကြားပါသည်။
( DOCA ဧရာဝတီ)