နေ့စဉ်ချက်ပြုတ်စားသုံးရာတွင် မဖြစ်မနေအသုံးပြုရသော မီးဖိုချောင်သုံး သီးနှံတစ်မျိုး ဖြစ်သည့် ကြက်သွန်ဖြူမှာ ပြည်ဒေသအတွင်း စိုက်ပျိုးထွက်ရှိခြင်း မရှိသောကြောင့် မြန်မာနိုင်ငံ၏ ကြက်သွန်ဖြူအများဆုံးထွက်ရှိရာဒေသဖြစ်သော ရှမ်းပြည်နယ်၊ တောင်ကြီးနှင့် အဓိကထား ဝယ်ယူရသည့် အောင်ပန်းမြို့နယ်များမှ ဝယ်ယူရောင်းချနေခြင်း ဖြစ်ပါသည်။ ပြည်မြို့သို့အပတ်စဉ် ဝင်ရောက်လျက်ရှိပြီး ကြက်သွန်ဖြူ(ရှမ်းစ)တစ်အိတ်လျှင် ပိဿာချိန် (၃၀)မှ (၃၃)ပိဿာအထိ ဝင်ဆံ့သော အိတ် (၃၀၀/၄၀၀)ခန့် အဝင်ရှိပါသည်။ မန္တလေးမှလည်း ကြက်သွန်ဖြူ (ကြူကုတ်) များလည်း အဝင်ရှိပြီး (၁၃/၁၅) ပိဿာခန့်ဝင်ဆံ့သော အိတ်(၂၀၀)နီးပါးခန့် အဝင်ရှိပါသည်။ ဈေးနှုန်းများအနေဖြင့် ကြက်သွန်ဖြူ(ရှမ်းစ)များမှာအရွယ်အစားပေါ်မူတည်၍ တစ်ပိဿာလျှင် (၉၀၀၀-၁၁၀၀၀-၁၂၀၀၀)ကျပ်ဈေးရှိပြီး (ကြူကုတ်)အနေဖြင့် (၁၂၀၀၀-၁၃၀၀၀)ကျပ် ဈေးရှိပါသည်။ အရောင်းအဝယ်အနေဖြင့် ခရိုင်အတွင်းမြို့နယ်များမှ လက်ကားဝယ်ယူသူများ ဒေသတွင်း လုပ်ငန်းရှင်များနှင့် လက်လီဝယ်ယူသူများဖြင့် အရောင်းအဝယ်ပုံမှန်ဖြစ်လျက်ရှိပါသည်။
DOCA(ပဲခူး)