ဆူးပုတ်ရွက် ဆိုတာ ဆူးပုတ်ပင်ရဲ့ အရွက်ဖြစ်ပြီး အနုအညွှန့်ကိုပဲ စားကြတာများပါတယ်။ ရိုးတံမှာ အဆူးလေးတွေပါတတ်ပြီး အရွက်လေးတွေက သေးငယ်ပြီး ရွက်ဆိုင် လေးတွေ ပေါက်တတ်ပါတယ်။ ရိုးတံတွေ ဖြာပြီး ထွက်တတ်ပါတယ်။ အစိမ်းရောင် စိုစိုလေးပါ။ အရွက်ရဲ့ အနံ့တော့ နည်းနည်းပြင်းပါတယ်။ အရွက်က နူးညံ့ပြီး ကြွပ်ကြွပ်လေးပါ။ အရသာ ကတော့ နည်းနည်းသက်ပါသည်။ စားသုံးမှုပုံစံမှာ အများအားဖြင့် ပဲကြီးဟင်းချိုထဲ ထည့်ချက်လေ့ရှိသလို ဘဲဥနဲ့ ခေါက်ကြော်စားလေ့ရှိပါသည်။
ဧရာဝတီတိုင်းဒေသကြီး၊ ပုသိမ်မြို့နယ်အတွင်း ရှိ ဈေးများတွင် ဆူးပုတ်ရွက်များ ရောင်းချမှု စည်ကားလျက်ရှိပြီး၊ ဒေသခံများနှင့် အနီးနားကျေးရွာများမှ စိုက်ပျိုးသူများက စျေးကွက်သို့ တင်ပို့ရောင်းချလျက်ရှိသည်။ ဆူးပုတ်ရွက်ကို ဆူးပုတ်ကြီးနှင့် ဆူးပုတ်လေးဟူ၍ နှစ်မျိုးခွဲခြား ရောင်းချ ကြပြီး၊ ဇူလိုင်လ တတိယပတ်တွင် တစ်စီးလျှင် ၃၀၀ ကျပ်မှ ၄၀၀ ကျပ် အထိ ဈေးနှုန်းရှိကြောင်း သိရသည်။
DOCA (ဧရာဝတီ)