(၂၉.၇.၂၀၂၅) ရက်နေ့ နေ့လယ် (၁၃:၀၀) နာရီအချိန် စစ်ကိုင်းတိုင်းဒေသကြီးအစိုးရအဖွဲ့ အစည်းအဝေးခန်းမတွင် စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော် ဦးဆောင်၍ စီးပွားရေးရာဝန်ကြီး၊ တိုင်းအဆင့်ဌာနဆိုင်ရာများနှင့် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်စားသုံး သူရေးရာဦးစီးဌာနနှင့် စစ်ကိုင်တိုင်းအတွင်းရှိ စားသုံးဆီကိုယ်စလှယ် များနှင့် စားသုံးဆီ ဝယ်ယူရရှိမှု အခြေအနေ ၊ ထုတ်ယူရရှိမှုအခြေအနေ၊ ဖြန့်ဖြူးရောင်းချမှု အခြေအနေများ နှင့် ပါတ်သက်ပြီး လုပ်ငန်းညှိ့နှိုင်းအစည်းအဝေးကျင်းပရာ စစ်ကိုင်းတိုင်းဒေသကြီးဝန်ကြီးချုပ်က စားသုံးသူပြည်သူ များ စားသုံးဆီဝယ်ယူသုံးစွဲရာတွင် သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် စားသုံးမှုလိုအပ်ချက်များ ဖြည့်ဆည်းရောင်းချနိုင်စေရန် ရည်ရွယ်၍ စားသုံးဆီများအား ထုတ်ပေးခြင်းဖြစ်ကြောင်း၊ စာသုံးဆီကိုယ်စားလှယ် များအနေဖြင့် လက်လီ၊လက္ကား ဖြန့်ဖြူး ရောင်းချရာတွင် သတ်မှတ်ထားသည့် အတိုင်းမှန်ကန်စွာ ရောင်းချဖြန့်ဖြူး နိုင်ရေး၊ ပြည်သူများကို သတ်မှတ်ရည်ညွှန်းဈေးဖြင့် သေချာစိစစ်ရောင်းချရန် လိုအပ်ပါကြောင်း၊ ဈေးကွက်အတွင်း သတ်မှတ်ထားသည့်ဈေးနှုန်းထက် ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း၊ မသမာသည့်လုပ်ဆောင်မှုမျိုးများ လုပ်ဆောင်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်မည်ဖြစ်ကြောင်း၊ ဆီထုတ်ကိုယ်စားလှယ်များမှလည်း ပြည်သူများအတွက် ဖြန့်ဖြူးရောင်ချပေးနေသော ဆီလိုအပ်ချက်များ ပိုမိုရရှိနိုင်ရေး ဆောင်ရွက်ပေးစေလိုပါကြောင်း၊ ဆွေးနွေးကြပြီး လုပ်ငန်းညှိနှိုင်းအစည်းအဝေး အားအောင်မြင်စွာ ကျင်းပဆောင်ရွက်ခဲ့ကြောင်း သိရှိရပါသည်။
DOCA(စစ်ကိုင်း)