“ငှက်ပျောစိုက်ပျိုးမှုနှင့်စျေးနှုန်းစျေးကွက်အခြေအနေ”

မန္တလေးတိုင်းဒေသကြီး၊ကျောက်ဆည်ခရိုင်တွင်စပါး၊ပဲ၊ပြောင်း၊နှမ်း၊ငရုတ်၊ကြက်သွန် စသည့် သီးနှံများစိုက်ပျိုးသည့်အပြင်ငှက်ပျောသီးနှံကိုလည်းစီးပွားဖြစ်စိုက်ပျိုးလာကြပါသည်။ ကျောက်ဆည်မြို့နယ်တွင် (၁၂၈၂)ဧက ၊ စိုက်ပျိုးထားရှိကြောင်း သက်ဆိုင်ရာဌာန၏စာရင်းများအရ သိရှိရပါ သည်။ ငှက်ပျောစိုက်ပျိုးမှုတစ်ဧကကုန်ကျစရိတ်အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း သိန်း(၂၀)ကျပ်ဝန်းကျင်ခန့်ကုန်ကျကြောင်း၊ ငှက်ပျောအထွက် နှုန်းအနေဖြင့် တစ်ဧက လျှင် အခိုင်(၈၀၀)အထိထွက်ရှိကြောင်း ငှက်ပျောအခိုင်(၄၀)ပါလှည်းတစ်စီးလျှင် (၄၆၀၀၀၀/-) ကျပ် ဖြင့် အရောင်းအဝယ်ဖြစ်နေကြောင်း၊ ငှက်ပျောလက်ရင်း တစ်ဖီးလျှင် (၃၅၀၀-၄၀၀၀/-)ကျပ် ၊ လက်ဖျား တစ်ဖီးလျှင် (၂၅၀၀-၃၀၀၀)ကျပ် အထိရောင်းချရကြောင်း သိရှိရပါသည် ။ တောင်သူများမှ ကျောက်ဆည်မြို့နယ်၊ရွှေသိမ်တော်ဘုရားရှိ ကန်တော့ပွဲများရောင်းချသောဆိုင်များ ဘမှ စိုက်ခင်း အထိလာရောက် ဝယ်ယူသူများရှိသလို ငှက်ပျော ပွဲစားများထံသို့လည်း ရောင်းချကြကြောင်း၊ ပွဲစားများမှတဆင့် ရွှေသိမ်တော်ဘုရား နှင့် မန္တလေး၊ ရန်ကုန်မြို့များရှိ ငှက်ပျောပွဲရုံများသို့ တင်ပို့ရောင်းချလျှက်ရှိကြောင်း သိရှိရပါသည် ။ အကျိုးအမြတ်အနေဖြင့် စိုက်ပျိုးစရိတ်နှုတ်ပြီးပါက (၃၆၀၀၀၀၀/-)ကျပ်ဝန်းကျင်ခန့် အကျိုးအမြတ်ရရှိကြောင်း ငှက်ပျော စိုက်ပျိုးသော တောင်သူ တစ်ဦး၏ပြောကြားချက်အရသိရှိရပါသည်။ DOCA(မန္တလေး)