ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ စားသုံးသူရေးရာဦးစီးဌာနမှ ဝန်ထမ်းများသည် အခြေခံစားသောက်ကုန်ဖြစ်သော ဆန်ဆိုင်များသို့ တောင်ပိုင်းခရိုင်ဦးစီးမှူးရုံး ၏ ညွှန်ကြားချက်နှင့်အညီ အပတ်စဉ်ကွင်းဆင်းစိစစ်လျက်ရှိရာ ၂၅.၆.၂၀၂၅ ရက်နေ့၊ နံနက် (၀၉:၃၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရှိရသည်။
ထိုသို့ကွင်းဆင်းစိစစ်ခြင်းဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေး အဖွဲ့မှ ဈေးတာဝန်ခံ ကျန်းမာရေးမှူး(၃) ဦးထွန်းထွန်း၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦး ပူးပေါင်းအဖွဲ့ဖြင့် ကွမ်းခြံကုန်းမြို့နယ်၊ မြို့မဈေး ကိုမျိုးသွင်၊ ကိုနိုင်ထွန်း+မရီမြင့်၊ အောင်မိသားစု၊ မဝင်းဝင်းရွှေ၊ မကျီးရပ်ကွက်အတွင်းရှိ ဆင်မင်း ဆန်ဆိုင်များတွင် ငစိန်ဆန်၊ ဧည့်မထ၊ ရက်(၉၀)ဆန်၊ ကြားပျံဆန်ဈေးနှုန်းများအား ကွင်းဆင်းစိစစ်မေးမြန်းခဲ့ကြောင်းသိရှိရပါသည်။
စားသုံးသူဦးစီးဌာန၊ မြို့နယ်တာဝန်ခံ ဒေါ်နွယ်နွယ်အေးက ဆန်အမျိုးအစားအလိုက် ရောင်းချရမည့် သတ်မှတ်ရည်ညွှန်းဈေးများကို လစဉ်ထုတ်ပြန်လျက်ရှိရာ ယခုလတွင် သတ်မှတ်ရည်ညွှန်းဈေးဖြင့် ရောင်းချသွားရန်၊ ဈေးနှုန်းမြှင့်တင်ရောင်းချခြင်းမပြုရန်၊ ဈေးကစားရန်ရည်ရွယ်၍ သိုလှောင်ခြင်းများ မပြုလုပ်ကြရန် ဆန်ပိုင်ရှင်များသို့ ပြောကြားခဲ့ကြောင်း သိရှိရပါသည်။
DOCA (ရန်ကုန်)