အိန္ဒိယနှင့်အမေရိကန်တို့သည် ကနဦးအဆင့် ကုန်သွယ်ရေးသဘောတူညီမှုအတွက် ဆွေးနွေးမှုများကို စတင်ခဲ့ကြောင်း သိရပါတယ်။ ယင်းသဘောတူညီမှုတွင် အဓိကအားဖြင့် အပြန်အလှန် တာဝန်ယူမှုများနှင့် အခွန်နှုန်းလျှော့ချမှုများ ပါဝင်လာနိုင်ကြောင်းခန့်မှန်းရပါတယ်။ အဆိုပါသဘောတူညီမှုသည် ကုန်သွယ်ရေး အခွင့်အလမ်းများကို တိုးမြှင့်ရန်နှင့် စီးပွားရေးပူးပေါင်းမှုများကို ခိုင်မာလာစေရန် ရည်ရွယ် ထားခြင်းဖြစ်တယ်လို့လည်း နိုင်ငံတကာ သတင်းဖော်ပြမှုများအရ သိရှိရပါတယ်။ အထူးသဖြင့် စက်မှု ထုတ်လုပ်မှု၊ စိုက်ပျိုးရေးထုတ်ကုန်များနှင့် ဒစ်ဂျစ်တယ် ဝန်ဆောင်မှုများကဏ္ဍများတွင် အရေးပါသည့် အကျိုး သက်ရောက်မှုများ ဖြစ်လာနိုင်ကြောင်း စီးပွားရေးလေ့လာသူများက မျှော်လင့်နေကြပါတယ်။
အိန္ဒိယ၏ ကုန်သွယ်ရေးဝန်ကြီးဌာနမှ တာဝန်ရှိသူတဦးက "အမေရိကန်နှင့် ပူးပေါင်းဆောင်ရွက်မှုသည် ကျွန်ုပ်တို့၏ တိုးတက်လာသော ကမ္ဘာလုံးဆိုင်ရာကုန်သွယ်ရေးမဟာဗျူဟာအတွက် အရေးကြီးသော အခန်းကဏ္ဍတစ်ခုဖြစ်သည်" ဟု ထုတ်ဖော်ပြောကြားခဲ့ကြောင်းလည်း သိရှိရပါတယ်။
DOCA(ဧရာဝတီ)