၂၀၂၅ ခုနှစ်၏ ပထမ ၅ လတွင် ကမ္ဘောဒီးယားနိုင်ငံ၏ ဒီဇယ်၊ ဓာတ်ဆီနှင့် ဂတ်စ် တင်သွင်းမှုတန်ဖိုးမှာ အမေရိကန်ဒေါ်လာ ၁.၀၄၅ ဘီလီယံ ရှိခဲ့ပြီး ၂၀၂၄ ခုနှစ် တူညီသည့်ကာလ ထက် ၁၃ ရာခိုင်နှုန်းကျဆင်းခဲ့ကြောင်း စီးပွားကူးသန်းဝန်ကြီးဌာန၏ ထုတ်ပြန်ချက်အရ သိရပါသည်။ ကမ္ဘောဒီးယားသည် ဒီဇယ်တင်သွင်းမှုအတွက် အမေရိကန်ဒေါ်လာ ၅၇၁ သန်း(၁၁ ရာခိုင်နှုန်းကျဆင်း)၊ ဓာတ်ဆီတင်သွင်းမှုအတွက် အမေရိကန်ဒေါ်လာ ၃၃၅ သန်း(၂၁ ရာခိုင်နှုန်း ကျဆင်း) နှင့် ဂတ်စ်တင်သွင်းမှုအတွက် အမေရိကန်ဒေါ်လာ ၁၃၉ သန်း(၁.၆ ရာခိုင်နှုန်း မြင့်တက်) ခဲ့ကြောင်း သိရပါသည်။ ကမ္ဘောဒီးယားသည် ၎င်းတို့၏ ကမ်းလွန်ရေနံသိုက်များကို မတူးဖော်ရသေးသောကြောင့် ရေနံနှင့် ဂတ်စ်တင်သွင်းမှုကို လုံးဝမီခိုနေရကြောင်း သိရပါသည်။ သတ္တုတွင်းနှင့် စွမ်းအင်ဝန်ကြီးဌာနသည် ကမ္ဘောဒီးယား၏ ရေနံနှင့်ဂတ်စ်လိုအပ်ချက်မှာ ၂၀၂၀ ခုနှစ်တွင် တန်ချိန် ၂.၈ သန်းမှ ၂၀၃၀ ခုနှစ်တွင် တန်ချိန် ၄.၈ သန်းထိမြင့်တက်ရန်ခန့်မှန်းထားကြောင်း သိရှိရပါသည်။
KhmerTimes DOCA (ရန်ကုန်)