လာအိုအစိုးရသည် ကမ္ဘာ့ဘဏ်၏ နိုင်ငံတကာဘဏ္ဍာရေးကော်ပိုရေးရှင်း (IFC) နှင့် ပူးပေါင်းကာ Public-Private Partnerships (PPPs) အတွက် တရားဥပဒေမူဘောင်ကို အားကောင်းစေကာ၊ ရင်းနှီးမြှုပ်နှံမှုလုပ်ထုံးလုပ်နည်းများကို ရိုးရှင်းစေကာ စီးပွားရေးပတ်ဝန်း ကျင်တစ်ခုလုံးကို မြှင့်တင်ပေးခြင်းဖြင့် နိုင်ငံ၏စီးပွားရေးအခြေအနေ တိုးတက်ကောင်းမွန်လာ စေရန် ဆောင်ရွက်လျက်ရှိသည်။ ဤပူးပေါင်းဆောင်ရွက်မှုသည် ရေရှည်တည်တံ့ ခိုင်မြဲသော စီးပွားရေးတိုးတက်မှုနှင့် အလုပ်အကိုင်ဖန်တီးမှုတို့အတွက် အရေးပါသောကဏ္ဍများတွင် ပုဂ္ဂလိကကဏ္ဍရင်းနှီးမြှုပ်နှံမှုကို မြှင့်တင်ရန် ရည်ရွယ်ပါသည်။ ပူးပေါင်းဆောင်ရွက်မှု ပရောဂျက် အတွက် ဖွင့်ပွဲအခမ်းအနားကို လာအိုမြို့တော် ဗီယင်ကျန်း၌ တနင်္လာနေ့တွင် ကျင်းပခဲ့သည်။ ဤပူးပေါင်းဆောင်ရွက်မှုမှတဆင့်၊ နှစ်ဖက်စလုံးသည် PPPs တင်ဒါခေါ်ယူခြင်း လုပ်ငန်းစဉ်များ အတွက် ကမ္ဘာလုံးဆိုင်ရာ အကောင်းဆုံးအလေ့အကျင့်များကို မိတ်ဆက်ပေးမည်ဖြစ်ပါသည်။ ဇွန်လ ၁၇ ရက်နေ့ လာအိုသတင်းအေဂျင်စီ၏အဆိုအရ မိတ်ဖက်အဖွဲ့သည် PPPs ပရောဂျက်များ တွင်ပါ၀င်သော အစိုးရအရာရှိများအကြား ပွင့်လင်းမြင်သာမှု၊ ထိရောက်မှုနှင့် စွမ်းဆောင်ရည် မြှင့်တင်ရေးတို့ကို အာရုံစိုက်လုပ်ဆောင်သည်။ ပဏာမခြေလှမ်းသည် စိုက်ပျိုးရေး၊ ထောက်ပံ့ပို့ ဆောင်ရေးနှင့် အစိမ်းရောင်စက်မှုလုပ်ငန်းစသည့် အဓိကကဏ္ဍများကို ပစ်မှတ်ထားပြီး လာအို နိုင်ငံ၏ ရေရှည်တည်တံ့သော ဖွံ့ဖြိုးတိုးတက်ရေးပန်းတိုင်များနှင့် အလုပ်အကိုင်ရရှိရန် ကြိုးပမ်း အားထုတ်မှုများကို ပံ့ပိုးပေးသည်။ ၎င်း၏မိန့်ခွန်းတွင် လာအိုဘဏ္ဍာရေးဝန်ကြီး ဌာနလက် အောက်ရှိ ရင်းနှီးမြှုပ်နှံမှုမြှင့်တင်ရေးဦးစီးဌာန ညွှန်ကြားရေးမှူးချုပ် Vanthana Nolintha က လာအိုနိုင်ငံ၏ ခိုင်မာသော ရင်းနှီးမြှုပ်နှံမှု အလားအလာကို အလေးပေးပြောကြားခဲ့ပြီး ၎င်း၏ ဗျူဟာမြောက်တည်နေရာ၊ ဖွံ့ဖြိုးတိုးတက်နေသော စီးပွားရေးနှင့် ပေါများသော သဘာဝအရင်း အမြစ်များကို ကိုးကား၍ ပြောကြားခဲ့သည်။ ယခုကဲ့သို့ ပူးပေါင်းဆောင်ရွက်ခြင်းသည် ဥပဒေနှင့် စည်းမျဉ်းဘောင်များ အားကောင်းလာစေရန် အထောက်အကူဖြစ်စေပြီး စီးပွားရေးလုပ်ရန် ပိုမိုလွယ်ကူစေပြီး ပြည်တွင်းနှင့် ပြည်ပရင်းနှီးမြုပ်နှံမှုများကို ဆွဲဆောင်နိုင်မည်ဖြစ်ကြောင်း ၎င်းက ပြောကြားခဲ့သည်။
DOCA(ရန်ကုန်)