မွန်ဂိုလီးယားရှိ နို့ထွက်ပစ္စည်း ပရောဂျက်ကို ထောက်ပံ့ရန်အတွက် ၎င်း၏ 2nd Mongolian Torogro (MNT) ငွေချေးစာချုပ်ကို အာရှဖွံ့ဖြိုးရေးဘဏ် (ADB) က ဇွန် ၁၈ ရက် တွင် စျေးနှုန်းသတ်မှတ်ခဲ့ကြောင်း သိရသည်။ ကြေငြာချက်တစ်ခုတွင် ADB မှ ၆.၁ နှစ် MNT အမျိုးအစားခွဲထားသော ငွေချေးစာချုပ်သည် ပုံသေကူပွန်နှုန်း ၁၀.၃၀ ရာခိုင်နှုန်းကို သတ်မှတ်သည်ဟု ဆိုသည်။ ငွေချေးစာချုပ်သည် ADB မှ ထုတ်ပေးသည့် MNT ငွေချေးစာချုပ် အတွက် 2020 ခုနှစ်တွင် စတင်ဖွင့်လှစ်ခဲ့သော Nomad Bond စာချုပ်မှ စတင်ကာ ပမာဏ အကြီး ဆုံးနှင့် သက်တမ်းအရှည်ဆုံး စာချုပ်ဖြစ်သည်။ “ဘွန်းမှရရှိသောငွေများသည် စက်ရုံအသစ် တည်ဆောက်ခြင်း၊ နို့ထွက်ပစ္စည်းထုတ်လုပ်ခြင်းနှင့် ထုပ်ပိုးခြင်းစွမ်းရည်ကို တိုးချဲ့ခြင်း၊ နို့စိမ်းစုဆောင်းခြင်းစင်တာများ တည်ထောင်ခြင်းနှင့် APU Dairy Inclusive Value Chain Development Project ၏ လုပ်ငန်းအရင်းအနှီးလိုအပ်ချက်များကို ထောက်ပံ့ပေးမည်” ဟု ADB ၏ ထုတ်ပြန်ချက်တွင် ဖော်ပြထားသည်။ စီမံကိန်းသည် ဒေသတွင်း အရင်းအမြစ်များမှ ရေရှည် တည်တံ့သော နို့ထွက်ပစ္စည်း ထောက်ပံ့မှုကို ပံ့ပိုးပေးမည်ဖြစ်ပြီး မွန်ဂိုလီးယား၏ နို့ထွက်ပစ္စည်း ထောက်ပံ့ရေးကွင်းဆက် ထုတ်လုပ်မှုတွင် အမျိုးသမီးများ ပိုမိုပါဝင်လာစေရန် ပံ့ပိုးပေးမည်ဖြစ် ကြောင်း ၎င်းကဆိုသည်။
DOCA(ရန်ကုန်)