ဆူးပုပ်လေးသည် ရှေးယခင်က တောတောင်တွင် အလေ့ကျပေါက်ရောက်သောအပင် ဖြစ်ပြီး ယခုအချိန်အခါတွင် တောင်သူများစီးပွားဖြစ်စိုက်ပျိုးလာသည်ကို တွေ့ရပါသည်။ ဆူးပုပ် လေးနှင့်ဆူးပုပ်ကြီးသည် မြေမရွေးပဲစိုက်ပျိုးဖြစ်ထွန်းသော သီးနှံပင်ဖြစ်သောကြောင့် မြန်မာပြည်အနှံ့အပြား တောင်ပေါ်မြေပြန့်မရွေး စိုက်ပျိုးကြပါသည်။ ဆူးပုပ်လေးသည် အပင်အရွယ်အစား သေးငယ်ပြီး အနံ့မွှေးသည်။ ဆူးပုပ်ကြီးသည် ဆူးပုပ်လေးထက် အပင်လည်းကြီးပြီး အရွက်လည်း ကြီးပါသည်။ အနံ့များလည်း ဆူးပုပ်လေးထက် ပြင်းပါသည်။ ဆူးပုတ်ရွက်ကို ပဲဟင်းချက်သောက်ရာ တွင်လည်းကောင်း၊ ကြက်ဥဖြင့်ကြော်စားရာတွင်လည်းကောင်း၊ ကင်းပုံအရွက်စုံဖြင့်ရော၍ ချက်စား ရာတွင်လည်းကောင်း၊ ငါးပိရေနှင့်တို့စရာအဖြစ်လည်းကောင်း လူကြိုက်များသော အစားအစာဖြစ် သောကြောင့် တောင်သူဦးကြီးများ စီးပွားဖြစ်စိုက်ပျိုးကြကြောင်း သိရပါသည်။ မြင်းခြံမြို့ အေးမြ သီတာဈေးတွင် ဆူးပုပ်လေးတစ်ဆယ်ကျပ်သားလျှင် (၁၀၀၀)ကျပ်၊ ဆူးပုပ်ကြီးတစ်ဆယ်ကျပ်သား လျှင်(၁၅၀၀)ကျပ်နှင့် ဆူးပုပ်လေးပျိုးပင်ဈေးနှုန်းမှာ တစ်ပင်လျှင်(၁၀၀၀)ကျပ်၊ ဆယ်ပင်လျှင် (၈၀၀၀)ကျပ်နှင့်ဆူးပုပ်ကြီးတစ်ပင်လျှင်(၁၂၀၀)ကျပ်၊ ဆယ်ပင်လျှင်(၁၀၀၀၀)ကျပ်တို့ဖြင့် အရောင်း အဝယ်ဖြစ်လျက်ရှိကြောင်း သိရှိရပါသည်။
DOCA(မန္တလေး)